Уладзімірская царква — помнік архітэктуры канца 19 ст. Знаходзіцца па адрасе: г. Гродна, вул. Перамогі, 5.
Гісторыя Пабудавана ў 1896 з цэглы ў псеўдарускім стылі (архітэктар І. Плотнікаў).
Архітэктура Аб’ёмна-прасторавая кампазіцыя складаецца з двух’яруснай званіцы і асноўнага аб’ёму з пятігранной апсідай. Асноўны аб’ём накрыты чатырохскатным дахам, званіца завершана шатром з верхавінай. Аконныя праёмы аркавыя і лучковыя. Сцены па перыметры завершаны зубчастым поясам, філянгавым фрызам і прафіляваным карнізам. На бакавых фасадах кілападобныя франтончыкі. Цокаль раскрапаваны філёнгамі і прафіляваны цягамі. Архітэктура царквы насычана стылізаванымі элементамі дэкору старажытнарускай архітэктуры (закамары, кілападобныя аркі, крыжовыя і аркавыя нішы, кутнія калонкі, ліштвы вокнаў і інш.).
Інтэр’ер Унутраная прастора перакрыта плоскай столлю. Дэкаратыўны акцэнт інтэр'еру — драўляны іканастас.
Літаратура
Гродно. Энциклопедический справочник / Белорус. Сов. Энцикл.; Редкол.: И. П. Шамякин (гл.ред.) и др. — Мн.: БелСЭ, 1989. — 438 с., л. ил.: ил. Праваслаўныя храмы Беларусі: энцыклапедычны даведнік / А. М. Кулагін; [рэдакцыйны савет: Г. П. Пашкоў, Л. В. Календа]. — Мінск: Беларуская Энцыклапедыя, 2007. — 653 с. 2000 экз. ISBN 978-985-11-0389-4
Спасылкі
Катэгорыя:Праваслаўныя храмы Гродна Катэгорыя:Збудаванні Беларусі ў псеўдарускім стылі Катэгорыя:Вуліца Перамогі (Гродна) Катэгорыя:Будынкі і збудаванні Івана Плотнікава Катэгорыя:Храмы Гродзенскай і Ваўкавыскай епархіі Катэгорыя:1896 год у Гродне