Джон Джэймс Рыкард Макле́ад (; , Клюні, Вялікабрытанія — , Абердзін) — брытанскі фізіёлаг, лаўрэат Нобелеўскай прэміі па фізіялогіі і медыцыне (1923) разам з Ф. Г. Бантынгам.
Біяграфія
Вучыўся ва ўніверсітэтах Абердзіна (Шатландыя) і Лейпцыга (Германія). У 1903—1918 гадах у ЗША; з 1918 года прафесар універсітэта Таронта (Канада).
Вывучаў функцыі дыхальнага цэнтра мозга, эксперыментальную гліказурыю, утварэнне малочнай кіслаты, колькасць цукру ў крыві.
Адкрыў інсулін (разам з Ф. Г. Бантынгам і Ч. Г. Бестам), распрацаваў метад яго выкарыстання для лячэння цукровага дыябету.
Літаратура Беларуская энцыклапедыя: У 18 т. Т.9: Кулібін — Малаіта / Рэдкал.: Г. П. Пашкоў і інш. — Мн.: БелЭн, 1999. — 560 с.: іл.
Спасылкі Біяграфія Джона Маклеада на сайце Нобелеўскага камітэту
Катэгорыя:Лаўрэаты Нобелеўскай прэміі па медыцыне Катэгорыя:Фізіёлагі Вялікабрытаніі Катэгорыя:Біяхімікі Вялікабрытаніі