У POSIX-сістэмах SIGKILL — сігнал, які дасылаюць працэсу для яго неадкладнага завяршэння.
SIGKILL — цэлалікавая канстанта, якая вызначаецца ў загалоўкавым файле signal.h. Сімвальныя імёны сігналаў ужываюцца замест нумароў, бо ў розных рэалізацыях нумары сігналаў могуць адрознівацца.
На большасці платформ SIGKILL мае значэнне 9, што спарадзіла выраз «кіл-мінус-дзевяць» (), агучванне каманды тыпу kill -9 1234 (скарочаны сінтаксіс, рэкамендаваны варыянт — kill -s KILL 1234).
Этымалогія SIG — агульны прэфікс сігналаў, KILL — — забіць, ліквідаваць (англійскі камп'ютарны жаргон).
Ужыванне Калі сігнал дасланы працэсу, SIGKILL выклікае яго неадкладнае завяршэнне. У адрозненне ад SIGTERM ці SIGINT, гэты сігнал не можа быць перахоплены ці праігнараваны, а працэс, які атрымаў яго, не мае магчымасці выканаць якія-небудзь дзеянні перад сваім завяршэннем.
Зомбі-працэс нельга завяршыць SIGKILL, таму што зомбі ўжо спынены і не можа прымаць сігналы. Зомбі чакае, што бацькоўскі працэс злічыць код завяршэння з дапамогай сістэмнага выкліку wait(). Працэсы ў стане блакіроўкі (напрыклад, пры чаканні ўвода/вывада) не змогуць завяршыцца па SIGKILL, пакуль аперацыйная сістэма не верне іх у нармальны стан (пры наступленні чаканай падзеі ці памылкі). Працэс init з’яўляецца асаблівым выпадкам — ён не атрымоўвае ад аперацыйнай сістэмы сігналаў, якія ён не жадае апрацоўваць, і, адпаведна, можа ігнараваць SIGKILL.
Гумар Kill Dash Nine — песня пра SIGKILL (відэа)