Бааа́нь (саманазва: боунаң куң, ) або банань () — народ, найменшая з 56 афіцыйных нацыянальных меншасцяў Кітая. Бааань падзелены на 2 асноўныя групы, кожная з якіх размаўляе на сваім дыялекце мовы мангольскага паходжання. Адна з іх насяляе правінцыю Ганьсу. Яе прадстаўнікі спавядаюць іслам. Другая насяляе правінцыю Цынхай. Сярод яе прадстаўнікоў пашыраны будызм ламаісцкага кірунку. Агульная колькасць (2010 г.) — 20 074 чал.
Паходжанне Мяркуецца, што бааань — нашчадкі манголаў, якія сяліліся ў памежных гарнізонах каля Тыбета (зараз правінцыя Цынхай) у XIII — XVI стст. У сярэдзіне XIX ст. з-за канфлікту з цынскімі ўладамі частка бааань перасялілася на поўнач, у Ганьсу.
Культура Бааань займаюцца земляробствам і жывёлагадоўляй. Важным заняткам здаўна лічылася лясная гаспадарка, здабыча драўніны і паляванне. Бааань славяцца як добрыя вытворцы нажоў.
Жытлы будуюць з неабпаленай цэглы, агароджваюць высокім цагляным плотам. Дом мае два-тры пакоі. Большую частку галоўнага пакоя адводзяць пад штучнае ўзвышша кан, на якім спяць і п’юць чай. Асноўным харчовым прадуктам лічыцца бульба. Чай робяць з малаком, маслам і соллю.
У адрозненне ад суседніх народаў, жанчыны бааань заўсёды носяць галаўныя павязкі: старыя жанчыны і ўдовы — белыя, маладыя жанчыны — зялёныя, дзяўчаты — чорныя. Народны жаночы строй таксама ўключае халат з шырокімі доўгімі рукавамі. Мужчыны апранаюць халаты і па тыбецкаму звычаю — доўгія шалікі.
Спасылкі Bonan Nationality The Bonan ethnic minority
Катэгорыя:Народы Кітая Катэгорыя:Мангольскія народы