Гастон Эсек’ель Рамірэс Перэйра (; нар. , Фрай-Бентас, Уругвай) — уругвайскі футбаліст, атакуючы паўабаронца італьянскага клуба «Віртус Энтэла». Ігрок нацыянальнай зборнай Уругвая (2010—2018).
Клубная кар’ера Пачаў кар’еру Гастон у клубе «Пеньяроль», дзе дэбютаваў у сакавіку 2009 года. У сезоне 2009/10 забіў за клуб 6 мячоў, чым дапамог «Пеньяролю» стаць чэмпіёнам Уругвая. У жніўні 2010 года перашоў у склад італьянскай «Балонні» за 2,5 млн еўра. Дэбютаваў у чэмпіянаце Італіі 26 верасня 2010 года матчам супраць «Катаніі», які скончыўся з лікам 1:1.
31 жніўня 2012 года далучыўся да складу англійскага клуба «Саўтгемптан», падпісаўшы кантракт з камандай на чатыры гады. Трансфер іграка каштаваў англічанінам 12 млн фунтаў стэрлінгаў. 15 верасня паўабаронца дэбютаваў у матчы супраць «Арсенала», дзе яго новы клуб трываў буйную паражэнне з лікам 1:6. Гастон з’явіўся на пляцоўцы ў другой палове матча замест Стывена Дэвіса. 23 студзеня 2014 года ігрок атрымаў пашкоджанне, з-за чаго прапусціў некалькі тыдняў.
1 верасня 2014 на правах арэнды перайшоў у «Хал Сіці». Па заканчэння тэрміну арэнды ўлетку 2015 года вярнуўся ў «Саўтгемптан», аднак не здолеў замацавацца ў складзе. У студзені 2016 года быў арандаваны «Мідлсбра»«Мидлсбро» арендовал Гастона Рамиреса у «Саутгемптона» . by.tribuna.com. Па заканчэнні сезона 2015/16 у якасці свабоднага агента пакінуў «Саўтгемптан», і ў ліпені 2016 года падпісаў з «Мідлсбра» кантрактГастон Рамирес подписал 3-летний контракт с «Мидлсбро». by.tribuna.com.
Па выніках сезона 2016/17 «Мідлсбра» страціў месца ў Прэм’ер-лізе, і ў жніўні 2017 года Рамірэс стаў іграком італьянскай «Сампдорыі»«Сампдория» приобрела хавбека «Мидлсбро» Гастона Рамиреса за 9 млн евро . by.tribuna.com, дзе гуляў да лета 2021 года. У снежні 2021 года падпісаў кантракт з «Монцай» з Серыі B да канца сезона 2021/22, пасля выхаду клуба па выніках сезона ў Серыю A пакінуў каманду.
У кастрычніку 2022 года падпісаў кантракт з клубам Серыі C «Віртус Энтэла».
Міжнародная кар’ера 8 кастрычніка 2010 года Рамірэс дэбютаваў у складзе зборнай Уругвая таварыскім матчам супраць зборнай Інданезіі. Футбаліст адгуляў увесь матч.
Дасягненні «Пеньяроль»: Чэмпіён Уругвая: 2010
Крыніцы
Спасылкі
Катэгорыя:Футбалісты Уругвая Катэгорыя:Ігракі зборнай Уругвая па футболе Катэгорыя:Ігракі ФК Пеньяроль Катэгорыя:Ігракі ФК Балоння Катэгорыя:Ігракі ФК Саўтгемптан Катэгорыя:Ігракі ФК Хал Сіці Катэгорыя:Ігракі ФК Мідлсбра Катэгорыя:Ігракі ФК Сампдорыя Катэгорыя:Ігракі ФК Монца Катэгорыя:Ігракі ФК Віртус Энтэла Катэгорыя:Футбалісты на летніх Алімпійскіх гульнях 2012 года