Шаля (, , ) — горад у паўднёва-заходняй Славакіі на рацэ Ваг.
Геаграфія Горад размешчаны на Дунайскай нізіне з абодвух бакоў ракі Ваг прыкладна за 65 км ад Браціславы і за 30 км ад Нове-Замкаў. Шаля знаходзіцца ў цёплай кліматычнай зонеMesto Šaľa .
Гісторыя Горад упершыню згадваецца ў 1002 годзе. У 1252 Шалю спалілі татары, у гэтым ж годзе кароль Бела IV надаў Шалі гарадскія правы.
XVI—XVII стагоддзі прайшлі пад знакам пастаяннай вайны з туркамі. У XVII стагоддзі тут будуецца крэпасць. У XVIII стагоддзі Шаля пачынае развівацца дзякуючы сваёму порту Веча. Чыгунка, пракладзеная ў 1850 паміж Венай і Будапештам паскорыла развіццё гораду. У 1918 годзе стаў часткай Чэхаславакіі, за выняткам перыяду 1938—1945 гадоў, калі горад уваходзіў у склад Венгрыі.
Цяпер Шаля — раённы цэнтр Нітранскага края.
Дэмаграфія
Паводле перапісу 2001 года колькасць насельніцтва горада налічвае 24 564 чалавек. Нацыянальны склад: 79,72 % — славакі, 17,88 % — венгры, 0,48 % — чэхі і 0,40 % — цыганы.
Рэлігійны склад: 66,63 % — рыма-каталікі, 23,62 % — людзі без прыналежнасці да рэлігіі і 4,00 % — лютэране.
Славутасці Касцёл Св. Маргіты Замак сям’і Турзо
Гарады-пабрацімы Конске, Польшча Кухма, Фінляндыя Ораслань, Венгрыя Тэлч, Чэхія
Спасылкі
Афіцыйны сайт Карта Шалі
Катэгорыя:Гарады Славакіі