Атрад «Пагоня» () — падраздзяленне, сфармаванае з добраахвотнікаў Беларусі, якія прымалі ўдзел ва ўзброеным канфлікце на Данбасе на баку Украіны.
Сфармаваны ў ліпені 2014 года. Трэніравальны лагер быў размешчаны на Валыні. Атрад абвясціў аб спыненні ваеннай дзейнасці ў верасні 2016 года.
Гісторыя
Гісторыя стварэння Пасля завяршэння «Еўрамайдана» вялікая колькасць беларусаў, якія прымалі ўдзел у падзеях на Майдане Незалежнасці у Кіеве, пачала папаўняць шэрагі добраахвотніцкіх батальёнаў, у прыватнасці, «Данбаса» і «Азова». 3 чэрвеня 2014 года камандзір батальёна «Данбас» Сямён Сяменчанка у інтэрв’ю журналістам паведаміў, што ў яго падраздзяленні ваююць 15 беларусаўКамандзір батальёна «Данбас»: У нашым батальёне сёння 15 беларусаў. Сярод іх паводле яго слоў былі і тыя, хто прыбыў з Беларусі і тыя, хто да гэтага пражываў ва Украіне.
Беларускія журналісты паведамлялі на працягу лета 2014 года пра беларусаў, якія ваююць у шэрагах «добраахвотніцкага ўкраінскага корпуса», сфармаванага «Правым сектарам» ў «Падольскай сечы», якая была сфармавана ў Хмяльніцкай вобласці, ў батальёнах «Азоў» і «Данбас»Скромные беларуские герои-каратели . Адносна рэальнай колькасці байцоў праўдзівых дадзеных няма, бо большасць удзельнікаў фармаванняў называліся рознымі псеўданімамі, захоўваючы ананімнасць.
Цяпер лічыцца, што пачатковая колькасць атрада «Пагоня» была 5 чалавек. Адным з арганізатараў атрада стаў ўкраінскі палітык з Валыні Ігар Гузь. Ён паведаміў журналістам, што фармаванне атрада, як баявой адзінкі пачалося ў ліпені 2014 года ў спецыяльна абсталяваным лагеры на Валыні. Зрэшты, у баявыя дзеянні, як самадастатковая адзінка падраздзяленне не ўступала. Яго байцы пасля трэніровак былі аб’яднаны ў групы па 3-7 чалавек і ўліваліся ў добраахвотніцкія батальёны і іншыя фармаванні. Такая схема была прынятая для канспірацыі, каб спецслужбы Беларусі не змаглі вылічыць удзельнікаў. Пры гэтым, па словах Гузя, КДБ Беларусі ідэнтыфікавала некаторых байцоў добраахвотніцкага атраду «Пагоня»Ігар Гузь: Беларускіх добраахвотнікаў у Данбасе вылічыла КДБ.
Мінскі журналіст Раман Якаўлеўскі ў каментары расійскаму тэлеканалу «Расія 24» адзначыў, што паводле яго дадзеных сумесныя украіна-беларускія лагеры для патрыятычнай моладзі на Валыні існавалі і ў папярэднія гады. Так што яны і маглі стаць асновай для вымуштравання лагера «Пагоні». Таксама ён не выключыў, што атрад мог папаўняцца за кошт добраахвотнікаў з арганізацыі «Малады фронт», якія ў розныя часы падвяргаліся сур’ёзным рэпрэсіям з боку беларускіх уладаў.
Спыненне ваеннай дзейнасці
У верасні 2016 года атрад «Пагоня» абвясціў аб спыненні ўдзелу ў баявых дзеяннях на ўсходзе Украіны. Члены стварылі арганізацыю «Грамадскі сектар атрада „Пагоня“», якая ў першую чаргу займаецца рознабаковай дапамогай беларускім добраахвотнікам.Атрад «Пагоня» прыпыняе вайсковую дзейнасць
У сакавіку 2022 года падчас ўварвання Расіі ва Украіну «Грамадскі сектар атрада „Пагоня“» заклікаў падтрымліваць батальён імя Кастуся Каліноўскага.Атрад "Пагоня" не мае дачынення да стварэння "палка Пагоня"
26 чэрвеня 2022 года ў баях пад Лісічанскам загінуў камандзір батальёна «Волат» полка Каліноўскага Іван «Брэст».«Я паставіў на кон усё». Апошняе інтэрв’ю з Іванам «Брэстам», які загінуў каля Лісічанска У 2015 годзе ён далучыўся да атраду «Пагоня».За Украіну загінуў беларускі добраахвотнік Брэст
Гл. таксама Беларусь і канфлікт на ўсходзе Украіны Помнік беларусам, якія загінулі за Украіну Спіс беларусаў, якія загінулі за Украіну Тактычная група «Беларусь»
Спасылкі Група «Пагоня» у Facebook Група «Пагоня» у Twitter Група «Пагоня» у Instagram Група «Пагоня» у Telegram Група «Пагоня» у YouTube
Катэгорыя:Арганізацыі беларусаў Украіны Катэгорыя:Арганізацыі паводле алфавіта Катэгорыя:Вайна на ўсходзе Украіны Катэгорыя:Беларуска-ўкраінскія адносіны Катэгорыя:Беларускія часці на баку Украіны