Лаўка Агінскага — музычная лаўка ў гонар выдатнага кампазітара Рэчы Паспалітай Міхала Клеафаса Агінскага. Устаноўлена ў 2015 годзе ў Мінску побач з Кафедральным саборам Святога Духа і плошчай Свабоды.
Лаўка выканана з метала і стылізавана пад герб роду Агінскіх, на якім святы Георгій на белым кані забівае чорнага цмока. Унізе па-руску размяшчаецца надпіс: «Выдающемуся сыну отечества — Огинскому Михаилу Клеофасу». Прысесці, адпачыць і паслухаць класічную музыку можа кожны. Крэатыўная лаўка — падарунак жыхарам і гасцям горада ад грамадскага фонду «Чыстае дзеянне», прысвечаны 250-годдзю з дня нараджэння знакамітага беларускага класіка Міхала Клеафаса Агінскага. Яшчэ такія музычныя інсталяцыі ёсць у Вене і Варшаве, там гучаць творы Моцарта і Шапэна.
Катэгорыя:Верхні горад (Мінск) Катэгорыя:Помнікі Мінска Катэгорыя:Плошча Свабоды (Мінск) Катэгорыя:2015 год у Мінску Катэгорыя:Помнікі Міхалу Клеафасу Агінскаму