Салакуча

Салаку́ча — рака ў Мазырскім раёне Гомельскай вобласці Беларусі, правы прыток ракі Прыпяць.

Даўжыня ракі 20 км. Плошча вадазбору 159 км². Пачынаецца каля пасёлка Міхалкі, працякае праз старычнае возера Заліў і ўпадае ў Прыпяць прыкладна за 2,7 км у напрамку на паўднёвы ўсход ад вёскі Ніжні Млынок. Вадазбор у межах Мазырскага Палесся. У басейне Салакучы возера Старык.

Каля ракі вёскі Міцькі, Проўцюкі, Верхні Млынок, Ніжні Млынок. Каля вёскі Міцькі на рацэ сажалка.