Шыкахогскі запаведнік () — запаведнік у вобласці Сюнік на поўдні Арменіі ў басейнах рэк Цаў і Шыкахог на паўночных схілах Мегрынскага хрыбта на вышынях 700—2 400 м. Быў створаны ў 1958 годзе, займае плошчу 10 000 га.
Галоўным аб'ектам аховы з'яўляюцца раслінныя і жывёльныя супольнасці некранутых дубова-грабавых лясоў, што растуць на вышынях 1 000—2 200 м. Ёсць цісавы гай, гаёк бука ўсходняга.
На вышынях 2 200—2 400 м — разрэджаныя дубовыя лясы.
На вялікіх вышынях (2 400—2 600 м) растуць змяшаныя супольнасці ляшчынніка, бярозы, рабіны і ядлоўца, а яшчэ вышэй — субальпійскія лугі.
У Чырвоную кнігу Арменіі ўключана каля 80 відаў раслін, якія растуць тут.
Гл. таксама Прыродаахоўныя зоны Арменіі
Спасылкі
Катэгорыя:Запаведнікі Арменіі