María Vázquez Suárez, nada en Santiago de Compostela o 15 de agosto de 1894 e fusilada en Miño o 19 de agosto de 1936, foi unha mestra galega.
Traxectoria Con raíces pola familia paterna en Vilaescura (Sober), era filla de Joaquín Vázquez Fernández. Estudou na Normal da Coruña onde se graduou en 1913. En 1918 obtivo praza na escola de nenas da Pobra do Caramiñal onde exerceu 12 anos. En 1929 obtivo praza na escola nº 2 de Miño. Nesta etapa frecuentou os ambientes republicanos e coa chegada da República, identificouse coa reforma pedagóxica, asistiu a cursos de perfeccionamento na Coruña e organizou excursións escolares a fábricas e monumentos. miniatura|300px|Maruja coas súas alumnas, posiblemente na Pobra do Caramiñal. Desenvolveu tamén unha actividade política e sindical, integrándose na agrupación socialista de Miño, e realizou a súa primeira intervención nun mitin político en 1932. Participación en campañas e mitins con discursos centrados nas políticas educativas e na defensa dos dereitos das mulleres. Colaborou coa Liga Internacional de Mujeres Ibéricas e Hispano Americanas e a Agrupación Femenina Republicana. En 1933 afiliouse á FETE-UGT e en 1935 ocupou o cargo de vicetesoureira.
Co golpe de Estado do 18 de xullo de 1936 foi detida na Coruña acusada de defender a escola laica e o amor libre. Trasladárona á cadea de Pontedeume e o 19 de agosto fusilárona nunha praia de Miño. A súa casa foi saqueada e queimaron os seus libros.
Ela e Mercedes Romero Abella son as dúas mestras executadas na represión fascista.
En 2015 o PSdeG-PSOE creou os Premios de Igualdade María Vázquez Suárez para "visibilizar e recoñecer o traballo de persoas individuais e colectivos a favor da igualdade"
Notas
Véxase tamén
Bibliografía
Ligazóns externas
"Máis datos sobre María Vázquez Suárez e sobre os tempos da guerra en Vilaescura" 4/11/2014. María Vázquez Suárez na páxina web A Coruña das mulleres.
Categoría:Profesores de Galicia
Categoría:Asasinados polo bando nacional en Galicia Categoría:Personalidades do ensino de Galicia
Categoría:Nados en Sober Categoría:Nados en 1894 Categoría:Finados en 1936 Categoría:Fusilados