Alieh Butkievič (en belaruso: Алег Буткевіч), nado en Braslaŭ (Viciebsk, Belarús) o 18 de marzo de 1972, é un bispo católico latino belaruso.
Traxectoria Butkievič naceu o 18 de marzo de 1972 en Braslaŭ, en territorios da actual diocese de Viciebsk. En 1994 graduouse en Enxeñaría Mecánica pola Universidade Estatal Técnico-Agraria de Belarús.
Logo de estudar no seminario maior de Hrodna, o 13 de maio de 2000 foi ordenado sacerdote diocesano. Posteriormente desempeñou varios traballos pastorais na diocese de Viciebsk, sendo párroco en Biešankovičy, Ula e en Viciebsk (2003-2014).
O 29 de novembro de 2013 foi nomeado bispo de Viciebsk, recibindo a ordenación episcopal o 18 de xaneiro de 2014, de mans do nuncio en Belarús Claudio Gugerotti, sendo co-consagradores o seu metropolitano Tadeusz Kondrusiewicz, arcebispo de Minsk-Mahilioŭ, e o bispo de Hrodna, Aleksander Kaszkiewicz.
Fala belaruso, ruso e polaco.
Notas
Categoría:Bispos católicos de Belarús Categoría:Bispos da Igrexa católica latina Categoría:Nados en 1972 Categoría:Nados na rexión de Viciebsk Categoría:Alumnos da Universidade Estatal Técnico-Agraria de Belarús