San Miguel de Brandariz é unha parroquia que se localiza no concello de Vila de Cruces. Segundo o IGE en 2012 tiña 263 habitantes (135 homes e 128 mulleres), distribuídos en 5 entidades de poboación, o que supón unha diminución en relación ao ano 1999 cando tiña 351 habitantes.
Patrimonio Houbo un mosteiro familiar fundado nos séculos X-XI. A primeira referencia é de 1087, cando a infanta Elvira o inclúe nunha doazón que fai á igrexa de Santiago. Puido depender do veciño mosteiro de Piloño, e correu a mesma sorte ao incorporarse os seus monxes ao mosteiro de Camanzo.
A igrexa de San Miguel de Brandariz foi levantada en 1732 polos mercedarios de Conxo, mais a mediados do século XX construíuse un novo templo en Vilar, no lugar onde existía unha capela dedicada a San Roque. No lugar de Pinlle, hai unha capela dedicada a San Bieito.
A Casa dos Castro ten escudo e escalinata de época.
A Mascarada, unha celebración do Entroido, foi moi famosa.
Hai unha lenda dunha espada de ouro guindada ao río Ulla para honrar a memoria dun guerreiro"Aparece unha lenda inédita: a lenda da espada de Brandomés, en Vila de Cruces", artigo no blog Palabras de Pedra, 11 de febreiro de 2014..
Galería de imaxes
Notas
Lugares e parroquias Lugares de Brandariz
Parroquias de Vila de Cruces
Véxase tamén Outros artigos Lugares de Vila de Cruces
Categoría:Parroquias de Vila de Cruces Categoría:Parroquias de Galicia baixo a advocación de san Miguel