Olimpio Liste Naveira, nado en Santiago de Compostela o 3 de marzo de 1899 e finado en Ventosa (Agolada) o 16 de outubro de 1986,La Voz de Galicia, 17-10-1986, p. 57. foi un mestre, inspector e político galego.
Traxectoria Fixo os estudos de mestre na Escola Normal de Santiago de Compostela rematándoos en 1919.El Correo de Galicia, 12-6-1919, p. 2. En 1934 era presidente da sección de Información, Prensa e Propaganda da Casa del Maestro de Pontevedra. Foi inspector de ensino primario da provincia de Pontevedra e logo do golpe de Estado do 18 de xullo de 1936 desempeñou o posto de sarxento da Guardia Cívica mandada por Víctor Lis Quibén e foi secretario da Comisión Depuradora do Maxisterio dende marzo de 1937.Depuración no maxisterio Foi presidente da Asociación de Maestros Católicos. Formou parte do grupo que visitou Italia en 1938 para estudar o modelo educativo do goberno fascista de Mussolini. Foi inspector xefe de educación de Pontevedra e director do Boletín de Educación. Foi militante de Falange Española Tradicionalista y de las JONS e xefe de centuria nas milicias da organización, e concelleiro de Pontevedra.Comisión depuradora do maxisterio (1)
Vida persoal Casou con Mercedes Regueiro Ramos e foi pai de Olimpio Liste Regueiro. Casou en segundas nupcias con Cesarina Coego García.
Notas
Véxase tamén Outros artigos Depuración franquista do maxisterio
Categoría:Profesores de Galicia Categoría:Concelleiros de Pontevedra Categoría:Concelleiros de Galicia durante o franquismo e a transición Categoría:Nados en Santiago de Compostela Categoría:Nados en 1899 Categoría:Finados en 1986 Categoría:Personalidades de Galicia sen imaxes Categoría:Falanxistas