Emmanuel Jean-Michel Frédéric Macron ([emanɥɛl makʁɔ]), nado en Amiens o 21 de decembro de 1977 é un político francés, alto funcionario público e ex-banqueiro de investimentos.
Traxectoria
Está diplomado en filosofía pola universidade de Nanterre de París e completou un mestrado en asuntos públicos no Instituto de Estudos Políticos de París. Graduouse na Escola Nacional da Administración en 2004 e traballou como inspector de facenda na Inspección Xeral de Finanzas antes de converterse en banqueiro de investimento en Rothschild & Cie. Membro do Partido Socialista (PS) entre 2006 e 2009 foi designado secretario xeral adxunto no primeiro goberno de François Hollande en 2012. En 2014 foi nomeado ministro de economía, industria e asuntos dixitais no segundo goberno Valls, no que promoveu reformas a favor das empresas. Renunciou en agosto de 2016 para presentarse ás eleccións presidenciais francesas de 2017. En novembro de 2016 anunciou que se presentaría ás eleccións co partido centrista En Marche! que que fundou en abril de 2016.Sylvie Corbet and Elaine Ganley « French gov't reshuffle expels dissident ministers » , Associated Press, 26-8-2014 Gañou a primeira volta das eleccións presidenciais, pasando á segunda volta na que se enfrontou a Marine Le Pen o 7 de maio de 2017. Co 65,5 % dos votos estimados converteuse en presidente da república Francesa.
Notas
Categoría:Presidentes de Francia Categoría:Copríncipes de Andorra Categoría:Nados en Amiens Categoría:Nados en 1977 Categoría:Franceses de ascendencia inglesa Categoría:Premio Carlomagno