Pedro Rodríguez Gómez, nado en Vilariño (Buscás, Ordes) cara a 1915 e finado en Ordes o 17 de xullo de 1977, foi un guerrilleiro antifranquista galego.
Traxectoria Zoqueiro de profesión e militante do Partido Comunista de España. Foi detido pola Brigada de Investigación e Vixilancia da Garda Civil o 4 de maio de 1946 acusado de simpatizante comunista e escoitar Radio Moscova. Posto en liberdade tres días despois, uniuse á guerrilla. Participou con Antonio Nouche Costa, Claudio Díaz Milia, José Remuiñán Barreiro, José Blanco Núñez e José Santiago Temprano, na sanción económica de 30.000 pesetas ao alcalde franquista de Cerceda. Desertou o 9 de xullo de 1946 marchando a súa casa, onde permaneceu un ano ata que marchou a Santiago de Compostela o 7 de xullo de 1947. Retornou a Coruña e foi detido o 19 de xullo. Xulgado en consello de guerra sumarísimo na Coruña con José Santiago Temprano o 4 de novembro de 1948,La Voz de Galicia, 5-11-1948, p. 3. foi condenado a cadea perpetua. Pasou 12 anos na Prisión Central de Burgos, de onde saíu en liberdade condicional en xaneiro de 1959.BOE, 19-3-1959, p. 4364. Morreu en Ordes o 17 de xullo de 1977 con 61 anos.La Voz de Galicia, 17-7-1977, p. 22.La Voz de Galicia, 20-7-1977, p. 17.
Vida persoal Casou con Josefa Regos del Río.
Notas
Véxase tamén Bibliografía
Categoría:Guerrilleiros antifranquistas de Galicia Categoría:Nados en Ordes Categoría:Nados en 1915 Categoría:Finados en 1977