Fiannamail ua Dúnchado foi rei dos Escotos de Dalriada dende o ano 698 até o 700. Neto de Dúnchad mac Conaing e fillo de Conall Cael mac Dúnchad, falecido en Kintyre no ano 681.Anais do Ulster U681.3 Provén dunha póla dos Cenél nGabráin, quen entraron en combate contra os Cenél Loairn despois do asasinato de Eochaid mac Domangairt no 697, descendente directo de Domnall Brecc.
Traxectoria Toma o trono despois da expulsión de Ainbcellach mac Ferchair quen é enviado en cativerio a Irlanda. Os Anais do Ulster revélannos que foi asasinado dous anos despois, no 700Anais do Ulster U700.4 sen dúbida por Selbach mac Ferchair, irmán de Ainbcellach e que posteriormente sobe ao trono.
No 697, aparece como un dos asinantes da Lex Innocentium, promulgada por San Adomnan.Anais do Ulster U697.3
A súa familia estabelécese en Kintyre, xogando un papel importante na vida política da rexión durante corenta anos. Nesta familia aparece un tal Becc Ua Dúnchada quen puido ser o seu irmán e que será asasinado no 707. Tamén figura un aparente fillo, Dunchad Becc, rei de Kintyre quen venceu a Selbach mac Ferchair na batalla naval de Ard Nesbi, o 6 de setembro ou de outubro do 719Anais do Ulster U719.7 e que morrería no ano 721.Anais do Ulster U707.1Anais do Ulster U721.1
Indrechtach, fillo de Fiannamail que non é recoñecido como rei de Dalriada nos Anais do Ulster, foi vencido na batalla de Druin Cathmail logo de falecer, no mesmo ano, o seu irmán Conall e "moitos máis" na cidadela de Forboros, en mans do rei picto Óengus I no 741.Anais do Ulster U741.10Anais do Ulster U741.6
Notas
Categoría:Finados en 700 Categoría:Nados en ano descoñecido Categoría:Reis de Dalriada