Tausa é un concello do departamento de Cundinamarca (Colombia), que se atopa na provincia de Ubaté. Limita polo norte cos concellos de San Cayetano, Carmen de Carupa e Sutatausa, polo oeste con Pacho e San Cayetano, polo leste con Sutatausa, Cucunubá e Suesca e polo sur cos concellos de Nemocón e Cogua.
Toponimia O topónimo Tausa, en muysc cubun (lingua muisca) quere dicir «tributo no cumio».
Historia Na época precolombiana, o territorio do actual concello de Tausa estivo habitado polos muiscas. En 1541 o capitán Gonzalo de León Venero foi nomeado encomendeiro de Tausa, Suta e Simijaca. O 20 de novembro de 1559, o oidor e visitador xeral Tomás López nomeou como comisionado para Ubaté a Diego Rodríguez de Valderas. Nese momento, Tausa formaba parte da partida ou correxemento de Ubaté xunto a Suesca, Susa, Cucunubá, Fúquene, Simijaca e Sutatausa. Dita partida formaba parte á súa vez da provincia de Santafé.
Véxase tamén
Ligazóns externas Páxina oficial
Categoría:Concellos de Cundinamarca Categoría:Confederación muisca