José Joaquín Almunia Amann, nado o 7 de xuño de 1948 en Bilbao, é un político español ligado ao PSOE.
Traxectoria Biografía Licenciouse en Dereito e Ciencias Económicas na Universidade de Deusto e foi profesor asociado da Universidade de Alcalá. Entre 1972 e 1975 foi economista na Oficina das Cámaras de Comercio Españolas en Bruxelas e foi nesta época cando se afiliou ó PSOE.
Actividade política Foi o principal asesor económico da UXT no período 1976 - 1979 e Deputado no Congreso pola circunscrición de Madrid no período 1979 - 2004. Ministro de Traballo e Seguridade Social (1982 - 1986) e de Administracións Públicas (1986 - 1991), foi asemade Voceiro parlamentario socialista (1994 - 1997).
En 1997 sucedeu como Secretario Xeral do PSOE a Felipe González, de quen era home de confianza. Nas eleccións primarias do seu partido saíu perdedor fronte a Josep Borrell que tivo o 55% dos votos pero acabou renunciando por ter en contra á dirección do partido e ó coñecerse que dous colaboradores seus defraudaran á Facenda. Polo tanto Joaquín Almunia foi o candidato do PSOE á Presidencia do Goberno nas eleccións do ano 2000, nas que o seu partido obtivo 7 918 752 votos (o 34,1%) e 125 deputados. Trala derrota presentou a súa dimisión.
Desde o 2004 é Comisario Europeo para Asuntos Económicos e Monetarios.
Categoría:Deputados do Congreso dos Deputados polo PSOE Categoría:Ministros de España Categoría:Nados en Bilbao Categoría:Nados en 1948 Categoría:Alumnos da Universidade de Deusto Categoría:Profesores da Universidade de Alcalá Categoría:Deputados no Congreso dos Deputados (VIII Lexislatura) Categoría:Deputados no Congreso dos Deputados (I Lexislatura) Categoría:Deputados no Congreso dos Deputados (II Lexislatura) Categoría:Deputados no Congreso dos Deputados (III Lexislatura) Categoría:Deputados no Congreso dos Deputados (IV Lexislatura) Categoría:Deputados no Congreso dos Deputados (V Lexislatura) Categoría:Deputados no Congreso dos Deputados (VI Lexislatura) Categoría:Deputados no Congreso dos Deputados (VII Lexislatura) Categoría:Membros da Comisión Europea