O Súper Campionato de España de Rallys (S-CER), tamén coñecido como Campionato de España Mixto de Rallys, é un campionato de rally de ámbito nacional que se disputa en España desde 2019 e de carácter mixto, é dicir, combinando probas sobre asfalto (puntuables para a CERA) e probas sobre terra (puntuables para o CERT). Naceu por iniciativa da RFEDA para potenciar aos pilotos co fin de que dominen ambas as superficies, tradicionalmente en España máis especialistas sobre o asfalto, especialmente de cara ao salto a competicións internacionais como o WRC.
O calendario da primeira edición constou de oito probas, catro sobre cada superficie, mentres que a normativa é independente: cada proba réxese polo regulamento do certame correspondente. Dispútanse os campionatos de pilotos, copilotos, marcas e o trofeo para vehículos de dúas rodas motrices para pilotos, copilotos e júnior. Obteñen puntos o quince primeiros clasificados de cada rally e para a clasificación final téñense en conta os tres mellores resultados obtidos en rallys sobre asfalto e os tres mellores sobre terra. miniatura|250x250px|Pepe López (campión de 2019), no Rally Terra da Auga. O madrileño Pepe López, a bordo dun Citroën C3 R5 foi o gañador das dúas primeiras edicións.
Historia O calendario da primeira edición incluíu oito probas, catro delas de terra (Terras Altas de Lorca, Terra da Auga, Astorga e Granada) e catro de asfalto (Canarias, Ourense, Asturias e Madrid). Pepe López foi o campión final a pesar de ter unha vitoria menos que Xevi Pons, que foi segundo (3 de López, 4 de Pons).
A tempada 2020 viuse alterada pola expansión da pandemia por coronavirus, que obrigou á suspensión da maioría dos oito rallys do calendario inicial, tendo que incluírse outras probas para facer un total de seis rallys no calendario final.
Probas
Rally Terras Altas de Lorca (2019-2020) Rally Illas Canarias (2019-2020) Rally Terra da Auga (2019-2020) Rally de Ourense (2019) Rally Princesa de Asturias (2019) Rally Comunidad de Madrid (2019) Rally de Terra Cidade de Granada (2019) Rally de Terra Cidade de Astorga / Rally ATK (2019) Rally de Ferrol (2020) Rally de Terra de Madrid (2020) Rally de La Nucía-Mediterráneo (2020)
Palmarés Ano Piloto Copiloto Coche 2019 Pepe López Borja Rozada Citroën C3 R52020 Pepe López Borja RozadaCitroën C3 R52021 José Antonio Suárez Alberto IglesiasŠkoda Fabia R52022 Pepe López Borja RozadaHyundai i20 N Rally22023 José Antonio Suárez Alberto IglesiasŠkoda Fabia R52024 Alejandro Cachón Borja RozadaToyota GR Yaris Rally22025 José Antonio Suárez Alberto IglesiasŠkoda Fabia RS Rally2
Notas
Véxase tamén
Outros artigos Campionato de España de Rallys Campionato de España de Rallys de Terra Ligazóns externas Sitio web oficial del campionato