Ariamiro, finado cara o 561, foi un rei suevo que ocupou o trono de Gallaecia entre o 558 ou 559 e o 561. Sucedeu ao rei Carriarico e durante o seu reinado celebrouse o Primeiro Concilio de Braga que reorganizou a Igrexa católica do reino tras a conversión dos suevos ao catolicismo, abandonando así o arianismo. Á súa morte sucedeulle Teodomiro.
Historia miniatura|Miniatura medieval do primeiro concilio de Braga que mostra ao rei suevo Ariamiro (dereita) cos bispos Lucrecio, Andrés e Martiño de Dumio. Século X Codex Vigilanus.|esquerda A conversión ao catolicismo dos reis suevos, que se produciu probablemente ao redor do ano 550 —durante o reinado de Teodomiro—, foi obra de Martín de Braga e supuxo o paso definitivo para a integración entre os suevos e a aristocracia galaicorromana, consolidando así plenamente a monarquía.
Baixo a supervisión de Martiño, que xa ocupaba a sede metropolitana de Braga, foi transformada a organización eclesiástica tradicional herdada do baixo Imperio Romano coa división do reino en 13 dioceses —algunhas delas novas—, á súa vez agrupadas en dous grandes distritos ou «provincias eclesiásticas»: unha meridional, cuxa sede metropolitana sería Braga, e outra setentrional, con Lugo como nova sede metropolitana.
Na consecución dos obxectivos de Martiño de Dumio foi fundamental o Primeiro Concilio de Braga celebrado en maio do 561 baixo os auspicios do rei Ariamiro no que se trataron a cuestión priscilianista e os problemas internos da Igrexa. A este seguiríalle un segundo concilio, celebrado tamén en Braga durante o reinado do rei Miro (570-583), fillo de Teodomiro (561-570), no que se completou a creación da Igrexa «nacional» sueva.
Notas
Véxase tamén
Bibliografía
Outros artigos Lista dos reis suevos
Predecesor:CarriaricoRei dos Suevos558/559 - 561Sucesor:Teodomiro Categoría:Reis suevos Categoría:Historia medieval de Portugal Categoría:Historia medieval de Galicia