María Antonia Señarís Rodríguez, nada en Santiago de Compostela en 1965, é catedrática de Química Inorgánica da Universidade da Coruña.
Traxectoria Maria Antonia Señarís é licenciada e en Química pola Universidade de Santiago de Compostela, posúe un máster en Materiais de Interese Tecnolóxico e é doutora en Química pola Universidade Complutense de Madrid. Foi bolseira Fullbrigt na Universidade de Texas en Austin, onde traballou co profesor John Goodenough, Premio Nobel de Química en 2019.
Dirixe o grupo de investigación en Química do Estado Sólido e Materiais da UDC, que desenvolve a súa investigación no ámbito da química e física do estado sólido e materiais. É coinventora de dúas patentes en materiais dieléctricos e seis patentes sobre materiais e dispositivos calóricos.
Actualmente é vicepresidenta do Grupo Español de Química do Estado Sólido e Materiais da Real Sociedad Española de Química. En 2021 María Antonia recibe a medalla Antonio Casares Rodríguez, da sección de Química e Xeoloxía, da Real Academia Galega de Ciencias.
Notas
Categoría:Científicos de Galicia Categoría:Alumnos da Universidade de Santiago de Compostela Categoría:Nados en Santiago de Compostela Categoría:Catedráticos da Universidade da Coruña Categoría:Químicos de Galicia