Johann Jakob von Tschudi, nado o 25 de xullo de 1818 en Glarus, cantón de Glarus (Suíza), e finado o 8 de outubro de 1889 en Lichtenegg, Baixa Austria (Imperio Austro-Húngaro), foi un naturalista, diplomático, lingüista, explorador suízo.
Traxectoria Tschudi estudou ciencias naturais e medicina. En 1838 viaxou ao Perú, onde permaneceu durante cinco anos explorando e coleccionando plantas e animais nos Andes. Entre 1857 e 1859 visitou Brasil e outros países de Suramérica.
En 1860 foi embaixador de Suíza, permanecendo neste cargo até 1868, dedicándose de novo a explorar e recolectar plantas e a coleccionalas para enviar aos museos de Neuchâtel, Glarus e Friburgo.
Tschudi colaborou co científico peruano fundador do Museo Nacional de Arqueoloxía Antropoloxía e Historia do Perú en Lima, Mariano Eduardo de Rivero y Ustariz, como coautor da obra Antigüedades Peruanas, publicada en Viena en 1851.
Obras System der Batrachier, 1838. '"Avium conspectus quae in Republica Peruana reperiuntur et pleraeque observatae vel collectae sunt in itinere". Archiv für Naturgeschichte 10: 262-317. Berlín: Nicholai'schen Buchhandlung. Untersuchungen uber die Fauna Perus. St. Gallen, 1844-1847. Peru, Reiseskizzen während der Jahre 1838-1842. St. Gallen, 1846. Antigüedades peruanas (con Don Mariano de Rivero). Viena 1851. Die Ketchuasprache. Viena, 1853. Reise durch die Andes von Südamerika. Gotha, 1860. Die brasilianische Provinz Minas-Geraes. 1863. Reisen durch Südamerika. Leipzig, 1866-1869. Ollanta, ein altperuanisches Drama, aus der Kechuasprache übersetzt und kommentiert. 1875. Organismus der Khetsuasprache. Leipzig, 1884.
Abreviatura A abreviatura Tschudi emprégase para indicar a Johann Jakob von Tschudi como autoridade na descrición e taxonomía en zooloxía.
Véxase tamén
Bibliografía Dewulf, Jeroen (2007): Brasilien mit Brüchen. Schweizer unter dem Kreuz des Südens. Zürich: NZZ Verlag. ISBN 978-3-0382-3349-7. Ratzel, Friedrich (1894): "Tschudi, Johann Jakob von". En: Allgemeine Deutsche Biographie'' (ADB). Vol. 38. Leipzig: Duncker & Humblot. pp. 749–752.
Categoría:Científicos de Suíza Categoría:Exploradores Categoría:Lingüistas de Suíza Categoría:Ornitólogos de Suíza Categoría:Naturalistas Categoría:Escritores en lingua alemá Categoría:Escritores en lingua latina Categoría:Embaixadores de Suíza Categoría:Nados en 1818 Categoría:Nados no cantón de Glarus Categoría:Finados en 1889