Ghosts of the Abyss é un filme documental estadounidense de 2003 producido por Walden Media e distribuído en moitos países a través de Walt Disney Pictures. Foi dirixido por James Cameron despois do seu premiado filme de 1997 Titanic. Durante agosto e setembro de 2001, Cameron e un grupo de científicos realizaron unha expedición ata o naufraxio do Titanic, e mergulláronse en submerxibles rusos para obter imaxes máis detalladas das que ninguén tivese antes. Coa axuda de dous pequenos vehículos remotamente construídos especialmente, alcumados "Jake" e "Elwood", o público tamén pode ver o interior do Titanic e, coa axuda de CGI, o público pode ver o aspecto orixinal do barco superposto á imaxes das profundidades.
Cameron tamén convidou ao seu amigo, o actor Bill Paxton, que interpretou a Brock Lovett no filme de 1997. Paxton narra o suceso a través dos seus ollos. O filme estreouse en IMAX 3D e foi nomeada ao premio BFCA ao mellor documental. Os sumerxibles Mir 1 e Mir 2 levaron ao equipo de rodaxe en 12 inmersións.
O filme tamén é coñecido co título Titanic 3D: Ghosts of the Abyss.
Notas
Véxase tamén Ligazóns externas
Ficha en AllMovie Ficha en RottenTomatoes Ficha en BoxOfficeMojo
Categoría:Filmes de 2003 Categoría:Filmes en lingua inglesa Categoría:Filmes dos Estados Unidos de América Categoría:Filmes dirixidos por James Cameron Categoría:Filmes de Walt Disney Pictures