miniatura|270px|Lámina con debuxos de Sars no seu libro Contributions to the knowledge of the fresh-water Entomostraca of New Zealand. (1894)

Georg Ossian Sars, nado o 20 de abril de 1837 en Kinn, Noruega, e finado o 9 de abril de 1927 en Oslo, foi un biólogo mariño e de auga doce noruegués.

Traxectoria Georg Ossian Sars naceu o 20 de abril de 1837 en Kinn, Noruega, e era fillo do pastor Michael Sars e da súa esposa Maren Sars; o historiador Ernst Sars era o seu irmán máis vello, e a cantante Eva Nansen era a súa irmá nova. Pasou a infancia en Manger, Hordaland, onde o seu pai era o cura local. Estudou de 1852 a 1854 na escola da Catedral de Bergen, e desde 1854 na escola da Catedral de Christiania, pasando despois á Universidade de Christiana (hoxe Universidade de Oslo) en 1857. Desenvolveu o seu interese pola historia natural mentres estudaba medicina; despois de recolectar pulgas de auga nos lagos locais, con Wilhelm Lilljeborg, descubriu novas especies, o que deu lugar á súa primeira publicación científica. Georg Ossian Sars tiña boa memoria e excelentes habilidades de debuxo, e ilustrou algunhas das obras zoolóxicas do seu pai.Geir Hestmark. "G. O. Sars". En Norsk biografisk leksikon . Consultado o 3 de marzo de 2022.

Sars foi un investigador pioneiro e fundador dos estudos sobre o ictioplancto. En 1864, foi encomendado polo goberno noruegués para investigar os caladoiros pesqueiros da costa norueguesa. Un dos seus primeiros descubrimentos foi que os ovos de Gadus morhua eran peláxicos, isto é, que se encontraban en columnas de auga abertas. Continuou recibindo o patrocinio do goberno ao longo de toda a súa carreria.Helen M. Rozwadowski (2008): "Dredging the moon". En Fathoming the Ocean: The Discovery and Exploration of the Deep Sea. Cambridge, Massachusetts: Harvard University Press. ISBN 978-0-6740-2756-5, pp. 133–174.

O campo principal das investigacións de Sars foi sobre os crustáceos e a súa sistemática. Describiu moitas novas especies, especialnte na súa obra mestra, An Account of the Crustacea of Norway.

Georg Ossian Sars non casou, falecendo o 9 de abril de 1927 en Oslo.​

Algunhas publicacións Historie naturelle des Crustacés d’eau douce de Norvège, Christiania: Chr. Johnsen. 1867. An Account of the Crustacea of Norway¡¡. 1897, publicado en partes entre 1890 e 1928.Bidrag til kundskaben om norges arktiske fauna. I. Mollusca regonis arcticae Norwegiae. Oversigt over de i norges arktiske region forekommende bløddyr. Christiania: Brøgger / Universidade de Oslo. 1878.An account of the Crustacea of Norway, with short descriptions and figures of all the species. Cammermeyers Forlag. v. 1: Amphipoda, 1895; v. 2: Isopoda, 1899; v. 3: Cumaceae, 1899; v. 4: Copepoda. Calanoida, 1901; v. 5: Copepoda. Harpacticoida, 1911; v. 6: Copepoda. Cyclopoida, 1913; v. 7: Copepoda. Supplement, 1919; v. 8: Copepoda. Monstrilloida & Notodelphyoida, 1921; v. 9: Ostracoda, 1922–1928.Fauna Norvegiae, Band 1: Phyllocarida and Phyllopoda. Christiania. 1896.An account of the Crustacea of Norway, with Short Descriptions and Figures of all the Species, 9 Bände, veröffentlicht vom Bergen Museum, Bergen, im Verkauf beim Cammermayer-Verlag, Christiania & Kopenhagen. 1895–1928. "Copépodes particulièrement bathypélagiques provenant des campagnes scientifiques du Prince Albert Ier de Monaco". En: Résult. Camp. scient. Prince Albert I 69: 1–408. 1925.

Honores Distincións 1910. Galardoado coa Medalla linneana. 1892. Cabaleiro da Orde de San Olaf.Frank Truesdale (1993): History of Carcinology. Boca Ratón, Florida: CRC Press. ISBN 978-9-0541-0137-6, p. 152. 1911. Comandante Cabaleiro da Orde de san Olaf.​

Sociedades científicas das que formou parte Academia de Ciencias da Unión Soviética. Real Academia das Ciencias de Suecia. Academia alemá das ciencias naturais Leopoldina.Georg Ossian Sars na web da Leopoldina. Sociedad Real de Edimburgo. Academia de Ciencias de Rusia. Academia Prusiana das Ciencias.

Eponimia O profesor Sars é recordado nos nomes científicos dunha serie de invertebrados mariños, así como na revista Sarsia, do Centro Internacional Sars de Bioloxía Molecular Mariña, e máis no buque oceanográfico insignia noruegués RV G.O.Sars.​

Abreviatura A abreviatura Sars emprégase para indicar a Georg Ossian Sars como autoridade na descrición e taxonomía en zooloxía.

Notas

Véxase tamén

Ligazóns externas The RV G.O. Sars . Sars International Centre for Marine Molecular Biology. G.O. Sars Open Library. BHL Obras online de G. O. Sars.

Categoría:Científicos de Noruega Categoría:Zoólogos de Noruega Categoría:Carcinólogos Categoría:Escritores en lingua francesa Categoría:Escritores en lingua inglesa Categoría:Escritores en lingua norueguesa Categoría:Alumnos da Universidade de Oslo Categoría:Profesores da Universidade de Oslo Categoría:Nados en Noruega Categoría:Nados en 1837 Categoría:Finados en 1927