Motoo Abiko (), nado en Himi (Toyama) o 10 de marzo de 1934 e finado en Tama (Kawasaki) o 7 de abril de 2022, máis coñecido polo pseudónimo Fujiko A. Fujio (), foi un mangaka, coñecido por ser cocreador do manga Doraemon.
O seu traballo en Doraemon realizouno a dúo con Hiroshi Fujimoto, como parte dun dúo chamado Fujiko Fujio. Ao separárense en 1987, ambos mantiveron esa identidade. Fujimoto engadiulle ao seu pseudónimo a letra F, e Abiko, o A.
En 2005 o mangaka recibiu de mans do Ministro de Educación, Cultura, Deporte, Ciencias e Tecnoloxía o Premio da Asociación de autores de banda deseñada do Xapón.
Notas
Categoría:Nados na prefectura de Toyama Categoría:Nados en 1934 Categoría:Finados en 2022 Categoría:Manga