Un acrocordón, é un pequeno tumor benigno que se forma principalmente en áreas onde a pel forma pregues (ou roza), como o pescozo, a axila e as inguas. Tamén poden aparecer na cara, xeralmente nas pálpebras.
Etimoloxía O seu étimo provén do grego «ακροχορδον» (akrochordŏn), composto do termo «ακρος» (akros) que significa extremo e de «chordē» corda.
Dimensións e forma Aínda que se viron algúns de até 13 mm de longo, normalmente teñen o tamaño dun gran de arroz. A superficie dun acrocordón pode ser lisa ou irregular en aparencia e adoita levantarse desde a superficie da pel nun talo carnoso chamado pedúnculo. Microscópicamente, un acrocordón está formado por un núcleo fibrovascular, ás veces tamén con células adiposas, cuberto por unha epiderme insignificante. Non obstante, poden irritarse co afeitado, a roupa, as xoias ou o eccema.
Etioloxía miniatura|237x237px| Acrocordón, pedunculado, masa fibrosa cuberta de epitelio de grosor variado, tintura H&E Pénsase que os acrocordóns, como outras marcas cutáneas, se producen polo rozamento da pel, xa que moitas veces se atopan en pregues e dobras da pel. Algún estudo demostrou a existencia de virus do papiloma humano de baixo risco 6 e 11 nos acrocordóns, o que insinúa un posíbel papel na súa patoxénese aínda que un estudo de 2012 non atopou asociación entre as etiquetas cutáneas e o VPH de baixo risco ou alto risco. Os acrocordóns teñen unha prevalencia do 46% na poboación xeral. Pénsase que existe un compoñente xenético causal. Tamén son máis frecuentes en mulleres que en homes. Antes pensouse que os acrocordóns estaba asociada con pólipos colorrectais, pero os estudos demostraron que non existe tal conexión. Raramente, poden estar asociados coa síndrome de Birt-Hogg-Dubé, acromegalia e síndrome de ovario poliquístico.
O azucre no sangue e a insulina elevados están ligados a unha maior incidencia de marcas cutáneas a través dun mecanismo descoñecido.
Tratamento Se se desexa ou se xustifica a eliminación, pódese conseguir por un dermatólogo, un médico xeral ou un profesional con formación similar que pode usar cauterización, criocirurxía, escisión, láser ou ligadura cirúrxica para a súa eliminación. Tamén están dispoñibles varios remedios caseiros, pero a maioría non están probados e algúns (por exemplo, o aceite da árbore do té) poden causar reaccións alérxicas na pel.
Notas
Véxase tamén
Molluscum contagiosoum (unha enfermidade viral que ten un aspecto similar e que crece en áreas similares) Papiloma Verruga
Ligazóns externas To, Lennie; Vazquez, Thomas; Izhakoff, Nicole; Zaiac, Martin. Nevus Lipomatosus Cutaneous Superficialis Mimicking an Acrochordon (en inglés). Cureus, 2021 Feb 25; 13 (2), pp: e13554. Cómo eliminar los acrocordones - YouTube (en castelán) Acrocordones - wikiHow (en castelán)
Categoría:Doenzas da pel Categoría:Pel Categoría:Tumores