Asha Bhosle nada co nome Mangeshkar en Goar o 8 de setembro de 1933 e finada en Mumbai o 12 de abril de 2026, foi unha cantante e empresaria india. Era coñecida polos seus cantos en películas hindi, maiormente dobrando outras actrices que non podían cantar tan ben. Asha tamén era actriz de voz; a súa carreira comezou en 1943. Era irmá da cantante de playback Lata Mangeshkar.
Recoñecementos En 2011, foi honrada polo Libro Guinness dos Récords como a artista máis gravada da historia da música, bastante por diante (a pesar da controversia) do cantante de playback Mohammed Rafi.
Entre outros, foi honrada con varios Premios Filmfare, cos Premios Nacionais da India en 1981 e 1986, co Nightingale Of Asia, cos premios Screen Videocon, MTV e Channel V en 1997 (polo álbum Jaanam Samjha Karo), en 1998 Premio Dayawati Modi coa colaboración da UNESCO, en 1999 o Premio Lata Mangeshkar, o premio Dadasaheb Phalke e Cantante do Milenio (en Dubai) en 2000, e co Padma Vibhushan en 2008, premio Freddie Mercury e en 2005 premio ás persoas máis elegantes da música
Doutora honoris causa nas universidades de Amravati e Jalgaon.
O grupo Cornershop acadou o nº1 nas listas do Reino Unido coa canción Brimful of Asha, co remix de Norman Cook en 1997.
Vida persoal Asha viviu en Bombai e tivo tres fillos e 5 netos. O máis vello, Hemant Bhosle (máis tarde Hemant Kumar), abandonou rapidamente a súa carreira musical para converterse en piloto. A filla máis vella, Varsha, é columnista de The Sunday Observer e Rediff e o pequeno Anand Bhosle, estudou cinematografía e economía. O seu neto Chaitanya (Chintu) Bhosle (fillo de Hemant) tamén se adentrou no mundo da música co grupo Band of Boys.
As súas irmás Lata e Usha Mangeshkar tamén fan sincronizacións de beizos para películas e a súa irmá Meena Mangeshkar e o seu irmán Hridayanath Mangeshkar son directores musicais. Asha tamén é cociñeira e posúe o 20% dun restaurante en Dubai, Asha's, que serve cociña tradicional india. Ela encárgase da cociña e da decoración e ofrece un curso de seis meses a cociñeiros.
Notas
Véxase tamén
Categoría:Empresarios da India Categoría:Cantantes da India Categoría:Nados en 1933 Categoría:Finados en 2026