Stefan Heidemann, nado en Versmold, Renania do Norte-Westfalia, o 3 de abril de 1961, é un historiador, orientalista e numismático alemán.
Traxectoria
Entre 1982 e 1991, Stefan Heidemann cursou estudos de Economía, Estudos Islámicos e Historia Moderna nas universidades de Ratisbona, Berlín, Damasco e O Cairo, e en 1993 acadou o seu doutoramento na Universidade Libre de Berlín cunha tese acerca do Califato de Aleppo."Heidemann, Stefan". En Coins Weekly. 2 de maio de 2019."Prof. Dr. phil. StefanHeidemann". Akademie der Wissenschaften und der Literatur Mainz.
Entre 1994 e 2000 foi profesor axudante na Universidade de Jena, na que en 2001 accedeu á cualificación para a docencia. Nesta institución ocupou diversos postos entre 1994 e 2010, entre eles o de coordinador do Gabinete de Moeda Oriental de Jena, fundado no século XIX nesa universidade.
Posteriormente trasladouse aos Estados Unidos para exercer no curso 2010-2011 como profesor de Historia Islámica e de Cultura Artística e Material no Bard Graduate Center, en Nova York, ao tempo que traballaba como conservador asociado de Arte Islámica no Museo Metropolitano de Nova York."Stefan Heidemann". En Coins Weekly. 12 de outubro de 2010.
De volta a Europa, a partir de 2011 Heidemann pasou a ocupar a praza de profesor de Estudos Islámicos no Instituto de Asia e África da Universidade de Hamburgo,"Prof. Dr. Stefan Heidemann". Universität Hamburg. traballo que compatibiliza con frecuentes viaxes a sitios arqueolóxicos, entre os que destacan a cidadela de Alepo, en Siria, e tamén outros diversos en Afganistán.
Ao longo da súa traxectoria, Heidemann foi profesor visitante en distintas institucións académicas e bolseiro de investigación, como a American Numismatic Society (1993), a Universidade de Leipzig (2001-2003), o MIT (2007-2008) ou o Museo Fitzwilliam (2008).
No ámbito editorial, Heidemann formou parte dos consellos editoriais dos xornais Der Islam e Studies in History and Culture of the Middle East. Ademais, é asesor de numismática do mundo musulmán na revista francesa Revue Numismatique.
Recoñecementos
(2005): Premio Samir Shamma, da Royal Numismatic Society, de Londres."The Samir Shamma Prize for Islamic Numismatics". The Royal Numismatic Society. (2015): Membro da Academia de Ciencias e Literatura de Maguncia.
Publicacións
Esta é unha escolma dos traballos monográficos máis salientables da traxectoria de Stefan Heidemann:"Heidemann, Stefan 1961- ". Digital Library Numis."Heidemann, Stefan". WorldCat Identities."Stefan Heidemann". Academia.edu
(1994). Das Aleppiner Kalifat (A.D. 1261). Vom Untergang des Kalifates in Bagdad über Aleppo zu den Restaurationen in Kairo. Brill, Leiden 1994. ISBN 978-9004100312 (2000). Islamische Numismatik in Deutschland. Eine Bestandsaufnahme. Harrassowitz, Wiesbaden. ISBN 978-3447042697 (2000).Transregional and Regional Elites: Connecting the Early Islamic Empire (con H-I. Hagemann). De Gruyter. ISBN 978-3110666489 (2002). Die Renaissance Der Stadte in Nordsyrien Und Nordmesopotamien. Brill, Leiden. ISBN 978-9004122741 (2005). Sylloge Der Munzen Des Kaukasus Und Osteuropas. Orientalischen Munzkabinett Jena (con T. Mayer et al.). Harrassowitz. ISBN 978-3447048934 (2003). Die islamische Stadt (con A. Becker). Zabern, Maguncia. ISBN 9783805331531 (2017). Regional History and Coin Finds from Assur / Regionale Geshichte und Munzfunde aus Assur (con Kevin Butcher). Otto Harrassowitz, Wiesbaden. ISBN 978-3447107617 (2022). The Reach of Empire (con K. Mewes). De Gruyter. ISBN 978-3110678260
Notas
Véxase tamén
Bibliografía
"Heidemann, Stefan. Historian and Islamic Studies Specialist". En Coins Weekly. 2 de maio de 2019. "Stefan Heidemann". En Coins Weekly. 12 de outubro de 2010.
Categoría:Nados en 1961 Categoría:Nados na rexión de Detmold Categoría:Numismáticos de Alemaña Categoría:Orientalistas Categoría:Galardoados co premio Samir Shamma Categoría:Alumnos da Universidade Libre de Berlín Categoría:Profesores da Universidade de Jena Categoría:Profesores da Universidade de Hamburgo Categoría:Personalidades sen imaxes