Manuel Pachi Vázquez Fernández, nado no Carballiño o 6 de febreiro de 1954, é un político galego do Espazo Común, que estivera no PSdeG-PSOE.
Traxectoria Inicio na política local do Carballiño Estudou Medicina na Universidade de Santiago, exercendo na súa vila natal. Foi candidato do CDS á alcaldía do Carballiño en 1987 e logrou 3 concelleiros, formando parte da oposición a Argimiro Marnotes Rodríguez. Porén, dimitiu en marzo de 1990 e encabezou a candidatura do PSdeG-PSOE en 1991, empatando a 5 concelleiros coa Converxencia Centrista de Marnotes e o PPdeG, chegando os dous últimos a un acordo de goberno, polo que formou parte da oposición. Foi elixido deputado no Parlamento galego en 1993. En 1995 logrou a vitoria con 7 concelleiros e formou goberno co BNG, sendo o primeiro alcalde de esquerdas da democracia no Carballiño, renunciando como deputado autonómico. En 1999 e 2003 foi reelixido alcalde con maioría absoluta e 9 concelleiros. Foi deputado na Deputación de Ourense dende 1995, sendo o portavoz socialista nesta institución. En maio de 2002 foi designado Coordinador Provincial do PSdeG-PSOE en OurensePachi Vázquez asume el mando del PSOE en Ourense.
Salto á política autonómica Encabezou a candidatura do socialista por Ourense nas Eleccións ao Parlamento de Galicia de 2005, ante o cal renunciou aos seus postos no concello e na deputación, sendo substituído por Carlos Montes Marqués na alcaldía. Foi elixido deputado, e os socialistas conseguiron acceder ao goberno autonómico con Emilio Pérez Touriño de presidente, sendo nomeado Conselleiro de Medio Ambiente e Desenvolvemento Sostible e manténdose como coordinador provincial en Ourense.
Volveu encabeza-la candidatura socialista por Ourense nas Eleccións ao Parlamento de Galicia de 2009, nas cales os socialistas perderon o goberno fronte ao PPdeG, que recuperou a maioría absoluta por tan só un escano. A candidatura que encabezaba en Ourense foi a única das 4 provincias que logrou subir escanos. Trala dimisión de Emilio Pérez Touriño despois da derrota electoral, fixo oficial a súa aspiración a ocupar a Secretaría Xeral do PSdeG-PSOEManuel Vázquez formaliza a súa candidatura á secretaría xeral do PSdeG Galiciaé 20/03/09, algo que acadou tralo Congreso extraordinario do 25 de abril de 2009. Renovou o seu liderado á fronte dos socialistas galegos tralo Congreso de marzo de 2012, no que se impuxo á exministra Elena EspinosaPachi Vázquez vence a Elena Espinosa en el congreso de los socialistas gallegos. Foi o candidato do partido á presidencia da Xunta nas Eleccións ao Parlamento de Galicia de 2012, nas cales o partido pasou de 25 a 18 deputados e o PPdeG aumentou a súa maioría absoluta, se ben mantivo a segunda posición de forma folgada pese á irrupción de Alternativa Galega de Esquerda. Volveu encabeza-la candidatura por Ourense, onde xunto con Lugo foi onde mellor aguantaron a representación os socialistas con só un deputado menos, sendo A Coruña e Pontevedra onde sufriron o maior descenso.
Trala derrota mantívose como líder socialista, e en marzo de 2013 anunciou a celebración dunha consulta non vinculante á militancia para a elección do novo Secretario Xeral do PSdeGEl PSdeG aprueba con el 90% de los votos la consulta que rechaza el PSOE, coa que houbo discrepancias iniciais coa dirección federal do partido. Finalmente, tras fructifica-lo acordo con Ferraz, tivo lugar a consulta en setembro de 2013. Non concorreu, postulándose o entón presidente da Deputación de Lugo Xosé Ramón Gómez Besteiro e o alcalde da Illa de Arousa José Manuel Vázquez Vázquez, gañando amplamente Besteiro, polo que o sucedeu na Secretaría Xeral.
En novembro de 2014 concorreu ás primarias para ser candidato socialista á alcaldía da cidade de Ourense, pero foi derrotado por José Ángel Vázquez Barquero.Pachi Vázquez pierde las primarias en Ourense Dimitiu como deputado en maio de 2015, trala súa imputación por parte do Tribunal Superior de Xustiza de Galicia por mor dunhas contratacións na súa época como alcalde, sumado ademais ao progresivo afastamento coa dirección autonómica do partidoPachi Vázquez dimite como diputado, pero conservará el carné del PSdeG.
Tralo seu paso pola política autonómica Trala súa dimisión como deputado, colaborou activamente na campaña electoral do PSdeG no Carballiño de cara ós comicios dese mesmo mes de maio, recuperando os socialistas na persoa de Francisco Fumega a alcaldía que perderan en 2011. Tomou partido nas diversas primarias que tiveron lugar no partido ao longo de 2016 e 2017, apoiando a José Luis Méndez Romeu para a presidencia da Xunta en maio de 2016 (se ben foi derrotado por Xaquín Fernández Leiceaga), a Susana Díaz para a Secretaría Xeral estatal (perdendo contra Pedro Sánchez) e a Gonzalo Caballero para Secretario Xeral galego, o cal resultou elixido. En decembro de 2017 concorreu ás primarias para a Secretaría provincial dos socialistas de Ourense, porén foi superado na primeira volta polo alcalde de Amoeiro Rafael Rodríguez Villarino e a deputada autonómica Noela Blanco. Ante isto apoiou a Villarino na segunda volta, o cal resultou gañador.
En decembro de 2018 anunciou que solicitaría a súa baixa como militante socialista, descontento coa actuación das distintas direccións orgánicas, pero sobre todo coa provincial e a autonómicahttps://www.farodevigo.es/ourense/2018/12/07/pachi-vazquez-da-baja-psoe-15831437.html. En canto ao equipo de Villarino denunciaba a falta de integración do seu sector, pese ao apoio na segunda volta nas primarias, e o ninguneo aos seus afíns como a imposición do exalcalde nacionalista Xabier Oviedo como candidato en Maceda, en detrimento da candidata ratificada pola agrupación localLa designación de candidato abre una crisis en el PSOE de Maceda. Por parte da dirección autonómica de Caballero denunciaba que non fora invitado á presentación deste como candidato socialista á presidencia da Xunta en novembro de 2018, como fixo con anteriores líderes socialistas. A esta situación sumouse, aos poucos días, a destitución por parte da dirección provincial do portavoz socialista na Deputación de Ourense, Francisco Fraga Civeira, que o apoiara publicamente trala súa marcha do PSdeG.
Espazo Común En febreiro de 2019 presentou o seu novo partido político, Espazo Común, defindíndoo coma unha formación socialdemócrata, galeguista e constitucionalistaPachi Vázquez presenta "Espazo Común", e acompañado de anteriores cargos socialistas da provincia de Ourense coma o exportavoz na Deputación Fraga Civeira. Anunciou a súa intención de concorrer ás Eleccións municipais de de 2019 en diversos municipios da provincia e establecendo contactos para facelo no resto de provincias. Encabezou a candidatura desta formación no Carballiño, onde 3 edís socialistas abandonaran o partido e o goberno local a primeiros dese ano. Finalmente, lonxe de mina-la hexemonía dos socialistas, estes conseguiron maioría absoluta por primeira vez dendo 2003, logrando Pachi 3 concelleiros por detrás de socialistas e populares. Conseguiu representación en diversos municipios da provincia, pero tan só destacando os 3 concelleiros no Carballiño e en Piñor, onde encabezou a candidatura o exalcalde Francisco Fraga Civeira se ben non conseguiu recupera-la alcaldía trala maioría absoluta do PPdeG. Nas Eleccións ao Parlamento de Galicia de 2020 a súa formación concorreu en coalición con Recortes Cero, encabezada en Ourense por Fraga Civeira, conseguindo resultados testimoniais.
No marco da Pandemia de COVID-19 destacou pola difusión de consellos nas redes sociais, así como entrevistas en medios locaisEl doctor Pachi Vázquez se reivindica en las redes.
En novembro de 2020 arrancou finalmente o xuízo por mor de presuntas contratacións irregulares no Carballiño, xunto con outros exedís socialistas, e por cuxa imputación abandonara o Parlamento de Galicia en 2015. Finalmente, en xaneiro de 2021, foi absolto xunto co resto de acusadosPachi Vázquez, absuelto: "Este caso truncó mi vida política, sufrí un linchamiento 7 años".
Nas municipais de 2023 encabezou novamente a candidatura de Espazo Común no Carballiño e pasou de 3 a 5 concelleiros, perdendo o PSdeG a maioría absoluta. Tras votarse tódalas formacións a si mesmas os socialistas continuaron gobernando en minoría como a lista máis votadaEl socialista Francisco Fumega revalida el cargo en O Carballiño al no entenderse PP y Pachi Vázquez. Nas Eleccións ao Parlamento de Galicia de 2024 presentouse como candidato de Espazo Común á presidencia da Xunta, logrando resultados aínda máis testimoniais que en 2020.
Notas
Véxase tamén
Outros artigos Eleccións municipais no Carballiño
Categoría:Deputados do Parlamento de Galicia polo PSdeG-PSOE Categoría:Alcaldes do Carballiño Categoría:Alcaldes de Galicia polo PSdeG-PSOE Categoría:Alcaldes de Galicia durante a democracia Categoría:Conselleiros da Xunta de Galicia Categoría:Nados no Carballiño Categoría:Nados en 1954 Categoría:Deputados da IV Lexislatura do Parlamento de Galicia Categoría:Políticos de Espazo Común