Sicario é un filme estadounidense de suspense e acción de 2015 dirixido por Denis Villeneuve e escrito por Taylor Sheridan. Está protagonizado por Emily Blunt, Benicio del Toro e Josh Brolin. O filme conta a historia dunha axente do FBI que é recrutada por un grupo de traballo do goberno para derrocar ao líder dun poderoso e brutal cártel mexicano da droga. Sicario foi escollida para competir pola Palma de Ouro no Festival Internacional de Cinema de Cannes de 2015. Tivo unha distribución limitada nos cinema dos Estados Unidos o 18 de setembro de 2015, e despois tivo unha estrea máis ampla a nivel nacional o 2 de outubro de 2015.
Sicario recibiu eloxios polas súas actuacións, secuencias de acción, guión, dirección, partitura musical e fotografía. O filme foi nomeado á mellor fotografía, mellor banda sonora e mellor edición de son na 88ª edición dos Óscar. Tamén obtivo nomeamentos aos BAFTA ao mellor actor secundario, á mellor fotografía e á mellor banda sonora. A súa secuela, Sicario: Day of the Soldado, estreouse o 29 de xuño de 2018. Un terceiro título, Sicario: Capos, está en fase de desenvolvemento.
Estreouse en galego o 3 de maio de 2023 a través da TVG.
Personaxes
Emily Blunt como Kate Macer Benicio del Toro como Alejandro Gillick Josh Brolin como Matt Graver Daniel Kaluuya como Reggie Wayne Victor Garber como Axente do FBI Dave Jennings Jon Bernthal como Ted Jeffrey Donovan como Steve Forsing Raoul Trujillo como Rafael Julio Cesar Cedillo como Fausto Alarcón Hank Rogerson como Phil Coopers Bernardo Saracino como Manuel Díaz Maximiliano Hernández como Silvio Edgar Arreola como Guillermo
Notas
Categoría:Filmes de 2015 Categoría:Filmes en lingua inglesa Categoría:Filmes dos Estados Unidos de América Categoría:Filmes dirixidos por Denis Villeneuve Categoría:Filmes producidos por Basil Iwanyk Categoría:Filmes de Lions Gate Entertainment Categoría:Filmes de Thunder Road Films Categoría:Filmes rodados en Novo México Categoría:Filmes ambientados en Arizona Categoría:Filmes ambientados en Novo México Categoría:Filmes ambientados en Texas Categoría:Filmes ambientados en México Categoría:Filmes sobre drogas Categoría:Filmes de 2015 con versión en galego