A proflavina, tamñén chamada diaminoacridina, é un derivado da acriflavina, un desinfectante bacteriostático contra moitas bacterias grampositivas. Foi utilizada en forma de dihidrocloruro e sales hemisulfato como antiséptico tópico e anteriormente como antiséptico urinario.
A proflavina tamén ten efectos mutaxénicos sobre o ADN ao intercalarse entre os pares de bases dese ácido nucleico. Diferénciase da maioría dos outros compostos mutaxénicos ao causar delecións ou insercións de pares de bases, pero non substitucións. En presenza de luz, a proflavina pode inducir roturas de dobre febra no ADN.
A proflavina absorbe fortemente na rexión da luz azul a 445 nm (en auga a pH 7).
A proflavina é unha tinguidura fluorescente que se usa ás veces en microscopia in vivo para obter imaxes debido ás súas propiedades de intercalación. Porén, houbo certa preocupación de que as mulleres expostas á proflavina puidesen desenvolver cancro de colo uterino, xa que ten un potencial mutaxénico. Porén, a análise retrospectiva realizada por Pantano et. al. demostrou que non hai un aumento do risco de cancro de colo uterino despois da exposición á proflavina.
Notas
Categoría:Antisépticos Categoría:Acridinas Categoría:Intercaladores do ADN