A Cinemateca de Bogotá ou Centro Cultural das Artes Audiovisuais é unha entidade encargada de difundir as artes cinematográficas en Bogotá, Colombia. A súa sede principal foi inaugurada en xuño de 2019 e atópase na carreira Terceira coa avenida Rúa 19 no barrio Germania do centro da cidade.
Historia A primeira sede foi inaugurada o 11 de abril de 1971 polo daquela alcalde Carlos Albán Holguín. A súa primeira sede situouse na sala Oriol Rangel do Planetario e a súa primeira directora foi Isadora de Norden, quen liderara o proxecto xunto ao seu esposo Francisco Norden e a Hernando Valencia Goelkel. En 1976, cambiou a súa sede e e trasladou a Las Nieves, carreira 7 entre rúas 22 e 23. Este espazo foi habilitado por Jacques Mosseri.
A primeira mostra de cinema realizouse en 1971 e proxectáronse filmes de escolas diversas, tales como cinema clásico francés, da idade de ouro, expresionismo alemán, entre outros. Un dos eventos máis recoñecidos foi a primeira mostra: Cine colombiano 1950- 1973, que levou a cabo en 1973. Ao ano seguinte, publicouse Crónicas de cine, de Hernando Valencia Goelkel. alt=|esquerda|miniatura|Antiga sede xunto ao Teatro Jorge Eliécer Gaitán na carreira Sétima.
Nova sede En xuño de 2019 inaugurouse unha nova sede no barrio Germania. Esta conta cunha biblioteca e catro salas: a Capital con capacidade para 272 persoas; dous máis con 75 cadeiras e a Sala E, dedicada á música, a danza e o teatro. Ten unha área construída de 8, 562 m² onde se distribuirán catro salas de cinema, zonas infantís e un ecosistema de creación dixital. O proxecto tivo un custo de aproximadamente 55.000 millóns de pesos.
Notas
Véxase tamén
Ligazóns externas Cinemateca de Bogotá
Categoría:Bogotá