A lingua rama é unha lingua falada polo pobo rama de Nicaragua, pertencente á familia lingüística chibcha. Os seus falantes habitan na illa de caio Rama e o sur do lago Bluefields na costa caribe de Nicaragua. Outras linguas indíxenas da rexión inclúen o miskito e o sumo. O rama é unha das linguas máis setentrionais da familia chibcha.
A lingua rama está gravemente ameazada. A súa lingua foi descrita como "morrendo rapidamente por falta de uso" xa na década de 1860. Contra o ano 1980, díxose dos rama que "case perderon a súa lingua étnica orixinal" e convertéronse en falantes dunha forma de crioulo inglés. En 1992, só se podían atopar aproximadamente 36 falantes fluídos entre unha poboación étnica de 649 individuos. O número de falantes na illa de caio Rama era de só 4 persoas en 1992. Houbo varios esforzos de dinamización lingüística. O traballo de campo para o primeiro dicionario de rama foi feito durante este tempo por Robin Schneider, un estudante graduado da Universidade de Berlín. O rama está clasificado como en perigo crítico polo Libro Vermello das Linguas Ameazadas da UNESCO.
Notas
Véxase tamén
Bibliografía
Ligazóns externas Turkulka – online dictionary and other resources Rama Language Project home page ELAR archive of Rama language documentation materials
Categoría:Linguas de Nicaragua Categoría:Revitalización lingüística Categoría:Linguas chibchas