Cuscuta epithymum é unha planta parasita nativa de Europa, pertencente á familia Convolvulaceae, aínda que estaba clasificada anteriormente na antiga familia Cuscutaceae. É un parasito notable do toxo ou das xestas. Ten os nomes populares de barbas de raposo, liño de raposo, etc.E. Niño Ricoi e outros: Catálogo da flora vascular galega, Xunta de Galicia 1995, px. 73. Tamén o recollen como barbas de raposo, liño de raposo ou liño de lebre os distintos lexicógrafos do Dicionario de dicionarios, s. v. raposo e s. v. liño.Nomes en Real Jardín Botánico
Descrición É unha planta parasita, herbácea, anual, sen follas e que se fixa aos seus hóspedes con pequenas raíces succionantes. Os seus hóspedes principais son a ortiga, o trevo e o lúpulo. Parasita tamén leguminosas, como as mencionadas toxos e xestas, e ericáceas. Ten o talo arroibado moi ramificado con escamas foliares. As flores son pequenas, brancas ou rosadas con corola de cinco lóbulos agrupados en glomérulos. O froito é unha cápsula.
Taxonomía Cuscuta epithymum foi descrita por Carl Linnaeus e publicado en Systemat Vegetabilium. Editio decima quarta 140. 1774. Sinonimia Cuscuta acutiflora Rota Cuscuta campanulata Stokes Cuscuta coriariae Sennen & Pau Cuscuta epithymiphyta St.-Lag. Cuscuta europaea var. epithymum L. Cuscuta hygrogenes Gand. Cuscuta muelleri Strail Cuscuta trifolii Bab. Cuscuta ulicis Godr.
Notas
Véxase tamén
epithymum Categoría:Plantas parasitas Categoría:Plantas medicinais