Henri Rolland, nado en Niza o 1 de xaneiro de 1887 e finado en Saint-Rémy-de-Provence o 4 de decembro de 1970, foi un arqueólogo, numismático, historiador e xenealoxista francés, destacado polos seus traballos e as súas investigacións sobre os sitios gregos da Provenza.

Traxectoria

Primeiros anos e formación Henri Rolland naceu en Niza, na rexión de Provenza-Alpes-Costa Azul, en 1887,"Rolland, Henri Marie Jules Joseph". Comité des travaux historiques et scientifiques (CTHS.fr).Parrot, A. (1970). Páxina 651. no seo dunha familia proveniente de Forcalquier. O seu pai foi o arquitecto Victor Joseph Jean Baptiste Rolland e a súa nai Céline Eulalie Rampín."Rolland, Henri Marie Jules Joseph". Archives Nationales. Base de donées Léonore.

Aínda que seguiu os pasos do seu pai estudando Arquitectura en París, entre 1909 e 1921 dedicouse ás investigacións xenealóxicas do seu pai e colaborou én varias edicións ilustradas do Armoriai général de Rietstap, coa interrupción da primeira guerra mundial, na que combateu na fronte francesa e na do Leste europeo.Duval, N. (1973). Páxina 299.

Numismática Posteriormente centrou o seu interese na numismática, non só como obxecto de estudo, senón que tamén formou unha importante colección de moedas provenzais, que posteriormente vendeu para sufragar os gastos ocasionados polas escavacións arqueolóxicas que promoveu. Estes estudos levárono á edición da publicación periódica Courrier numismatique, entre 1922 e 1930,"Courrier numismatique (Paris)". Gallica.bnf.fr na que el mesmo foi o autor da maioría dos artigos que a compoñen.

Logo de coñecer as escavacións que se estaban a realizar no sitio arqueolóxico celta de Glanum, en Saint-Rémy-de-Provence, en 1928 comezou a colaborar con estes traballos. As súas investigacións alí deron lugar á publicación en 1932 dun estudo sobre as moedas achadas, titulado Numismatique de Glanum. O seu traballo monográfico máis salientable no ámbito numismático foi Monnaies des comtes de Provence, publicado en 1956.Rolland, H. (1956). Monnaies des comtes de Provence 12e-15e siècles. Histoire monétaire, Économique et corporative, description raisonnée. Picard, París.

Arqueoloxía A partir da súa experiencia en Glanum, o interese de Rolland pola arqueoloxía aumentou, e dedicouse ao estudo de diversos depósitos por toda a Provenza, sinaladamente nos arredores de Saint-Rémy.Duval, N. (1973). Páxinas 299-300. En 1941, o falecemento do anterior director, P. de Brun, abriulle as portas á dirección das escavacións de Glanum durante os seguintes 28 anos, así como do Museo Arqueolóxico de Saint-Rémy-de-Provence. Posteriormente asumiu tamén a dirección de Antigüidades Históricas da Alta Provenza,Duval, N. (1973). Páxina 300. entre 1956 e 1964.Duval, P-M. (1971). Páxina 1.

Esta nova etapa de escavacións en Glanum foi motivo da publicación de diversos estudos por parte de Rolland, a maior parte deles publicados nunha serie de suplementos da revista Gallia en 1946, entre eles unha nova monografía, titulada Fouilles de Glanum, 1947-1956, publicada en 1958.Rolland, H. (1958). Fouilles de Glanum, 1947-1956. Centre National de la Recherche Scientifique, París. A colaboración do Centro Nacional de Investigacións Científicas de Francia fixo que, baixo a dirección de Rolland, as escavacións nesa área vivisen o seu momento de esplendor durante toda a década de 1950. Xa na súa ancianidade, en 1969, un ano antes da súa morte, publicou un novo compendio cunhas minuciosas descricións das escavacións en Glanum, titulado Le mausolée de Glanum.Duval, N. (1973). Páxina 301.

Henri Rolland foi membro de varias entidades, academias e sociedades eruditas, entre elas a Sociedade de Estudos Ligures,Boussard, J. (1971). Páxina 15. as Academias de Aix e de Marsella, a Académie de Vaucluse (1935), a Académie des inscriptions et belles-lettres (1961), o Comité de Traballos Históricos e Científicos (1938) ou a Sociedade Prehistórica Francesa. Así mesmo, foi membro da Sociedade Francesa de Numismática, entidade que presidiu entre 1939 e 1941.Pflaum, H-G. (1970). Páxina 162.Le Rider, G. et al. "La Société française de numismatique : 1865-1965". En Revue Numismatique. 1965. Páxina 24."Les présidents de la SFN". Société française de numismatique.

Henri Rolland faleceu o 4 de decembro de 1970, aos 83 anos, na súa granxa de Saint-Rémy-de-Provence, onde residía desde 1928.

Recoñecementos Os seus méritos nas dúas contendas mundiais, na fronte francesa e no Leste, levaron consigo diversas distincións, tanto en Francia como noutros países:Boussard, J. (1971). Páxina 14.

Cabaleiro (1933) e posteriormente Oficial (1954) da Lexión de Honra. Cruz de Guerra (1914-1919) Cruz de Guerra (1939-1945). Cruz de Guerra de Romanía. Medalla ao Valor de Serbia. Cabaleiro da Orde de Camboxa.

Publicacións Esta é unha escolma dalgúns dos traballos monográficos que publicou Henri Rolland ao longo da súa carreira:"Rolland, Henri (1887-1970)". Persee.fr

Xenealoxía

(1909). Une famille avignonaise, Tulle de Villefranche. París. (1912). Généalogie de la famille de Bouliers (Piémont-Provence). Castanet, Bergerac. (1937). Armorial Général, supplément à l'œuvre de Jean-Baptiste Rietstap. Éd. G.Saffroy, París.

Numismática

(1932). Numismatique de Glarum. Cahiers d'Histoire & d'Archéologie, Nimes. (1932). Étude numismatique sur le protectorat du Cambodge. Castanet, Bergerac (1934). Arles, atelier monétaire de la Ligue, 1590-1593. Impr. générale du Sud-Ouest, Bergerac. (1936). Massiliensia. I. Sur l'origine du nom de Massalia. II. Sur les drachmes lourdes de Massalia. Société de statistique, d'histoire et d'archéologie de Marseille et de Provence (1938). Les Corporations de monnayeurs dans le midi de la France (XIVe-XVIe siècles). Cercle d'éditions corporatives et sociales, París. (1947). L'Atelier royaliste de Tarascon, 1590-1593. (1955). Attributions fantaisistes de quelques monnaies de la Gaule méridionale, 1955 (1956). Monnaies des comtes de Provence XIIe-XVe siècles. Histoire monétaire, Économique et corporative, description raisonnée. Picard, París. (1958). La Fin du monnayage d'Orange. Société française de numismatique, París.

Arqueoloxía e historia Suplementos de Gallia Duval, P-M. (1971). Páxina 2.

(1946). Les fouilles de Glanum (Saint-Rémy-de-Provence). Suplemento I. (1951). Fouilles de Sainl-Blaise(Bouches-du-Rhône). Suplemento III. (1956). Fouilles de Saint-Biaise (1951-1956). Suplemento VIL. (1958). Fouilles de Glanum. Suplemento XI. (1959). Bronzes antiques de Seine- Maritime, 1959 (con E. Espérandieu). Suplemento XIII. (1965). Bronzes antiques de haute Provence. Suplemento XVIII de Gallia. (1969). Le Mausolée de Glanum ('S aint-Rémy -de-Provence). Suplemento XXI.

Notas

Véxase tamén

Bibliografía

Boussard, J. (1971). "Éloge funèbre de M. Henri Rolland". En Bulletin de la Société nationale des Antiquaires de France. Páxinas 14-15. Duval, N. (1973). "Henri Rolland, 1887-1970". En Revue archéologique. 2. Páxinas 299-302. Duval, P-M. (1971). "Henri Rolland (1887-1970)". En Gallia. XXIX, 1. Páxinas 1-2. Filip, J. (1969). "Rolland, Henri". En Enzyklopädisches Handbuch zur Ur- und Frühgeschichte Europas. Tomo II. Stuttgart. Páxina 1.156. Parrot, A. (1970). "Éloge funèbre de M. Henri Rolland". En Comptes-rendus de l’Académie des inscriptions et belles-lettres. Páxinas 651-652. Pflaum, H-G. (1970). "In Memoriam: Henri Rolland". En Revue numismatique. Tomo 12. Páxinas 162-163.

Categoría:Nados en 1887 Categoría:Nados en Niza Categoría:Finados en 1970 Categoría:Historiadores de Francia Categoría:Arqueólogos de Francia Categoría:Numismáticos de Francia Categoría:Xenealoxistas Categoría:Membros da Sociedade Francesa de Numismática Categoría:Membros da Académie des inscriptions et belles-lettres Categoría:Cabaleiros da Lexión de Honra Categoría:Directores de museos Categoría:Coleccionistas Categoría:Personalidades sen imaxes Categoría:Presidentes da Sociedade Francesa de Numismática