One Piece é unha serie de televisión de fantasía desenvolvida por Matt Owens e Steven Maeda para Netflix. A serie é unha adaptación de acción en vivo do manga One Piece creado por Eiichiro Oda, que actuou como un importante consultor creativo no programa. Foi producida por Kaji Productions e Shueisha (que tamén publica o manga). Está protagonizada por Iñaki Godoy, Emily Rudd, Mackenyu, Jacob Romero Gibson e Taz Skylar como os membros da tripulación do Sombreiro de Palla, centrados no personaxe de Monkey D. Luffy.
A serie estreouse en Netflix o 31 de agosto de 2023, onde conta con opción de subtitulado en galego. Recibiu valoracións positivas por parte da crítica e dos seareiros da franquía, que eloxiaron as interpretacións, o guión, os efectos visuais e a fidelidade ao material orixinal. Varios medios considerárona como unha das mellores adaptacións de acción en directo dunha serie de manga ou anime, considerándoa unha gran mellora con respecto aos intentos anteriores de Netflix, como Death Note e Cowboy Bebop. Dúas semanas despois da súa estrea, Netflix renovou a serie para unha segunda tempada, que está en desenvolvemento.
Sinopse A serie segue as aventuras dos Piratas do Sombreiro de Palla mentres exploran os perigosos océanos, terras e máis aló na procura do "One Piece", un tesouro lendario que converterá o seu capitán, Monkey D. Luffy, no "Rei dos Piratas". Porén, os infantes da Mariña andan atrás deles, e non son os únicos tripulantes que buscan o One Piece. Armados con habilidades únicas e unha amizade inquebrantable, os Sombreiros de Palla están preparados para a viaxe e loitar polos seus soños xuntos.
Notas
Véxase tamén Outros artigos Lista de títulos con versión en galego nas plataformas de streaming
Categoría:Series de televisión en lingua inglesa Categoría:Series de televisión iniciadas en 2023 Categoría:Series de televisión dos Estados Unidos de América Categoría:Series de televisión do Reino Unido Categoría:Series de televisión do Xapón Categoría:Series de televisión con versión galega