Ángel Cappelletti, nado en Rosario no 1927 e finado na mesma cidade o 25 de novembro do 1995, foi un filósofo, historiador e anarquista da Arxentina, radicado en Venezuela entre o 1968 e o 1994. Foi experto no pensamento sociolóxico, político e filosófico, tanto clásico coma contemporáneo.
Traxectoria Licenciouse na Universidade de Buenos Aires no ano 1951, e fíxose profesor do ensino secundario. Logo de doutorarse no 1954 pola mesma institución, trasladouse a Caracas no 1972 como profesor titular da Universidade Simón Bolívar. Foi redactor xeral da Revista Venezolana de Filosofía. Entre o 1968 e o 1994, Cappelletti desenvolveu un intenso labor de investigación, estudando a filósofos clásicos como Heráclito, Séneca ou Marco Aurelio, o positivismo venezolano, ou a historia do pensamento anarquista mundial e latinoamericano. Publicou arredor de 45 libros en vida, até un total de 80 contando as edicións póstumas. Ademais, escribiu máis dun millar de artigos de investigación.
Cappelletti ensinou en universidades de toda América Latina, en países coma Arxentina, Costa Rica, México, Uruguai ou Venezuela. Así mesmo, foi profesor de posgrao en filosofía na Universidade dos Andes (Mérida, Venezuela).
Regresou á súa cidade natal de Rosario no 1994, onde continuou traballando até a súa morte no 1995.
Obra
Como autor
Los fragmentos de Heráclito (1962) Utopías antiguas y modernas (1966) El socialismo utópico (1968) La filosofía de Heráclito de Efeso (1970) Inicios de la filosofía griega (1972) Cuatro filósofos de la Alta Edad Media (1972, 1993) Introducción a Séneca (1973) Introducción a Condillac (1974) Los fragmentos de Diógenes de Apolonia (1975) La teoría aristotélica de la visión (1977) El pensamiento de Kropotkin (1978) Etapas del pensamiento socialista (1978) Ciencia jónica y pitagórica (1980) La teoría de la propiedad en Proudhon y otros momentos del pensamiento anarquista (1980) Francisco Ferrer y la pedagogía libertaria (Madrid, 1980) Bakunin y el socialismo libertario (1986) Protágoras: naturaleza y cultura (1987) Sobre tres diálogos menores de Platón (1987) Mitología y Filosofía: los presocráticos (1988) Notas de filosofía griega (1990) El pensamiento de Malatesta (1990) El anarquismo en América latina (1990), en coautoría con Carlos Rama. La estética griega (1991, 2000) Hechos y figuras del anarquismo hispanoamericano (1991) Positivismo y evolucionismo en Venezuela (1992) Textos y estudios de filosofía medieval (1993) Estado y poder político en el pensamiento moderno (1994) Utopías y antiutopías después Marx (1997) Prehistoria del anarquismo (2006)
Como coordinador
Séneca: De brevitae vitae (1959) Epístolas pseudos-heraclíteas (1960) Abelardo: Ética (1966) Platón: Gorgias (1967).
Notas
Véxase tamén
Ligazóns externas Falacias de la democracia, por Ángel Cappelletti
Categoría:Profesores da Universidade Simón Bolívar Categoría:Nados en Rosario Categoría:Historiadores da Arxentina Categoría:Filósofos da Arxentina Categoría:Anarquistas da Arxentina Categoría:Nados en 1927 Categoría:Finados en 1995