Borja Martínez Giner, coñecido simplemente como Borja, nado en Alacant o 2 de marzo de 1994, é un futbolista español que xoga como extremo esquerdo no Teruel, da Primeira División RFEF.
Traxectoria Con 10 anos ingresou na canteira do Hércules CF e foi subindo polas diferentes categorías do club ata debutar co primeiro equipo o 20 de xaneiro de 2013, nun partido da Segunda División ante o Lugo. Disputou seis partidos co Hércules e no verán de 2013 fichou polo Espanyol B, da Segunda División B. Xogou nesa categoría durante cinco anos, vestindo tamén as camisetas da Cultural Leonesa, o Lorca e o Ebro, conseguindo un ascenso co club murciano.En xuño de 2018 asinou contrato co Elche, da Segunda División. Militou unha soa campaña no club, disputando un total de 23 encontros nos que marcou un gol. A continuación regresou ao Hércules e xogou tamén no Ibiza, o San Sebastián de los Reyes e o Teruel.
Notas
Categoría:Nados en Alacant Categoría:Nados en 1994 Categoría:Futbolistas da Comunidade Valenciana Categoría:Centrocampistas de fútbol Categoría:Dianteiros de fútbol Categoría:Xogadores do Hércules CF B Categoría:Xogadores do Hércules CF Categoría:Xogadores do Elche CF Categoría:Xogadores do RCD Espanyol B Categoría:Xogadores da Cultural Leonesa Categoría:Xogadores do Lorca FC Categoría:Xogadores da UD Ibiza-Eivissa Categoría:Xogadores da UD San Sebastián de los Reyes Categoría:Xogadores do CD Teruel