Pello Otxandiano Kanpo, nado en Otxandio, Biscaia, o 20 de agosto de 1983, é un enxeñeiro e político vasco, director de programa de EH Bildu e candidato a lehendakari do Goberno Vasco nas eleccións ao Parlamento do País Vasco de 2024.
Traxectoria Naceu en Otxandio en 1983, cursou os estudos de primaria na escola pública da vila, e os de secundaria, segundo o mapa escolar, en Iurreta, no Instituto Juan Orobiogoitia (ESO) e no IFP Iurreta (Bacharelato). Posteriormente, estudou Enxeñaría de Telecomunicacións e cursou o doutoramento na Universidade de Mondragón. Durante o seu doutoramento realizou un período de prácticas na Universidade Tecnolóxica Chalmers de Gotemburgo, Suecia.
Comezou en política en 2011, como concelleiro de Otxandio.
En 2023 a Mesa Política de EH Bildu propúxoo como candidato a lehendakari do Goberno Vasco para as eleccións ao Parlamento Vasco de 2024.
Notas
Categoría:Nados en 1983 Categoría:Nados en Otxandio Categoría:Políticos de EH Bildu Categoría:Enxeñeiros do País Vasco