Richard Aoki, nado en San Leandro, California, en 1938 e finado o 15 de marzo de 2009, foi un activista pro-dereitos civís estadounidense de ascendencia xaponesa, un dos primeiros membros dos Panteras Negras.
Traxectoria Nado en San Leandro, California, en 1938, foi trasladado en 1942, xunto coa súa familia, a un campo de concentración, até que rematou a segunda guerra mundial. Máis tarde mudáronse para Oakland (California). Aoki estivo durante oito anos no exército norteamericano, máis tarde asistiu ao Merritt College, onde fixo amizade con Huey P. Newton e Bobby Seale, cofundadores dos Panteras Negras. En 1968 graduaríase en Socioloxía, pola Universidade de California en Berkeley. A pesar de que houbo moitos militantes de orixe asíatica nos Panteras Negras, Aoki foi o único que chegou a ostentar un cargo de importancia.
Categoría:Nados en 1938 Categoría:Nados en San Leandro Categoría:Finados en 2009 Categoría:Membros das Panteras Negras Categoría:Alumnos da Universidade de California, Berkeley