Manuel «Manu» Pineda Marín, nado en Málaga o 2 de setembro de 1965, é un activista e político español, pertencente a Esquerda Unida e ao Partido Comunista de España, sendo coñecido pola súa militancia propalestina. Foi deputado do Parlamento Europeo dentro do Grupo de Esquerda e delegado do Parlamento Europeo para as relacións con Palestina dende 2019 até 2024.
Traxectoria Nado o 2 de setembro de 1965 en Málaga, é militante do Partido Comunista de Málaga e sindicalista de Comisións Obreiras. En setembro de 2011 trasladouse a Gaza e, dacabalo entre Málaga e Gaza, empezou a desenvolver unha actividade como brigadista de Unadikum. Tamén se trasladou posteriormente a facer activismo en Cisxordania, onde coñeceu á familia Tamimi. Foi proposto como responsable da Secretaría de Internacional do Partido Comunista de España (PCE) durante o XX Congreso do partido en decembro de 2017. Resultou escollido en novembro de 2018 como segundo da lista (despois de Sira Rego) de Esquerda Unida para as eleccións ao Parlamento Europeo de 2019 en España, malia que a formación prevía daquela unirse con Podemos e outras confluencias.
Foi incluído finalmente no número 6 da lista de Unidas Podemos Cambiar Europa de cara ás eleccións europeas, resultando elixido eurodeputado.:
Notas
Categoría:Nados en 1965 Categoría:Nados en Málaga Categoría:Políticos do PCE Categoría:Políticos de IU Categoría:Europarlamentarios de España (2019-2024) Categoría:Activistas de España