O mosquito tigre (Aedes albopictus) é unha especie de mosquito da familia dos culícidos orixinaria das áreas tropicais e subtropicais do sueste asiático. Porén, nos séculos pasados esta especie estendeuse por moitos países a través do transporte de mercadorías e das viaxes internacionais. Caracterízase polas bandas brancas nas súas patas e no corpo.
Este mosquito converteuse nunha praga importante en moitas comunidades porque está estreitamente asociado cos humanos (en lugar de vivir en zonas húmidas) e normalmente voa e aliméntase durante o día, ademais de ao solpor e ao amencer. O insecto chámase mosquito tigre pola súa aparencia a raias, que se asemella á dun tigre. Ae. albopictus é un importante vector epidemiolóxico para a transmisión de moitos patóxenos virais, incluíndo a febre amarela, a febre do dengue e o Chikungunya, así como varios nematodos de filariose como Dirofilaria immitis. Aedes albopictus é capaz de albergar o virus de Zika e considérase un vector potencial para a transmisión de Zika entre os humanos.
Notas
Véxase tamén Outros artigos 100 das especies exóticas invasoras máis daniñas do mundo
Categoría:Aedes Categoría:Insectos vectores de patóxenos humanos Categoría:Animais descritos en 1894