miniatura| Recreación dunha escena do Plistoceno tardío no norte da Península Ibérica, por Mauricio Antón. A megafauna do Plistoceno é o conxunto de grandes animais (megafauna) que viviron na Terra durante a época do Plistoceno. A maior parte da megafauna do Plistoceno fóra de África extinguiuse durante o evento de extinción do Cuaternario durante o Plistoceno superior, causando cambios substanciais nos ecosistemas a nivel mundial. miniatura|Esqueleto de Megatherium americanum conservado no Museo Nacional de Historia Natural, en París.
Terminoloxía A definición precisa de megafauna é obxecto de discusión e non se acadou un consenso, aínda que unha definición común é calquera animal cun peso corporal adulto de máis de 45 quilogramos (99 libras).
Fauna do Plistoceno en América América do Norte e América do Sur foi o fogar de preguiceiros terrestres, o oso de cara curta (Arctodus simus), diversas especies de tapires, Tayassuidae, o león americano, tartarugas xigantes, Miracinonyx, tigres con dentes de sabre como Smilodon e Homotherium (Machairodontinae), entre outros.
Fauna do Plistoceno en Eurasia miniatura|Detalle da Cova de Lascaux. Como no caso de América do Sur, Eurasia tiña parte da súa fauna en común coa de América do Norte. En Europa e Asia, destacaron o mamut laúdo, o elefante con presas rectas (Palaeoloxodon antiquus), o uro (Bos primigenius), o bisonte das estepas, o rinoceronte laúdo, o rinoceronte das estepas, o Elasmotherium, o león das cavernas, o oso das cavernas, megaloceros e moitos outros.
Hoxe en día, os maiores mamíferos europeos son o bisonte europeo (que só subsiste en algunhas rexións de Polonia) e o oso pardo.
Extincións insulares Varias illas tiveron faunas únicas que se extinguiron logo da chegada dos humanos, incluíndo mamuts laúdos ananos, aves xigantes como os moas, e diversas especies de hipopótamos e elefantes ananos.
Teorías sobre as extincións As teorías propostas para explicar estas extincións inclúen a caza por humanos, aínda que o papel dos humanos na extinción da megafauna do Plistoceno é controvertido. Tamén se propuxeron as hipóteses de cambios climáticos e impactos de asteroides. Estes factores non son mutuamente excluíntes e varios deles puideron ter influído simultaneamente.
Galería de imaxes
Megafauna de América
Megafauna de Eurasia
Notas
Véxase tamén Outros artigos
Extinción Extinción en masa Maiores animais extintos Paleoarte Paleoclimatoloxía Paleontoloxía
Ligazóns externas
The Extinct Late Pleistocene Mammals of North America (en inglés) End of the Big Beasts (en inglés)
Categoría:Extincións masivas Categoría:Mamíferos prehistóricos Categoría:Plistoceno