In a Priest Driven Ambulance (With Silver Sunshine Stares) é o cuarto álbum de estudio da banda estadounidense de rock psicodélico The Flaming Lips, publicado o 18 de setembro de 1990 a través do selo Restless Records. É o primeiro álbum do grupo en contar con Jonathan Donahue (tamén en Mercury Rev) e co batería Nathan Roberts. Esta formación ficharía posteriormente pola Warner Bros. Records e gravaría o seguinte álbum Hit to Death in the Future Head. É un álbum conceptual centrado principalmente na fascinación do líder Wayne Coyne pola relixión.
Un vídeo musical para a canción "Unconsciously Screamin" foi filmado nun parque temático relixioso chamado Holy Land USA en Waterbury, Connecticut, así como no Hampshire College en Amherst, Massachusetts e os City Gardens en Trenton, Nova Jersey. Foi dirixido por Jim Spring e Jens Jurgensen.
O álbum foi reeditado como un CD con dous temas extra o 17 de xaneiro de 1995, aínda que o nome completo con subtítulos só aparece no lanzamento en vinilo. Tamén foi reeditado nunha edición especial de dous CD en 2002 baixo o título The Day They Shot a Hole in the Jesus Egg. O primeiro disco deste lanzamento, composto polo álbum completo Priest e numerosas cancións extra, tamén foi lanzado como unha edición limitada de dous discos en vinilo rosa.
"Unconsciously Screamin'" foi lanzado como EP en 1990 para promover o álbum. Dúas das caras b foron presentadas como cancións extra na reedición de 1995.
Listaxe de cancións
Notas
Categoría:Álbums de The Flaming Lips Categoría:Álbums musicais de 1990 Categoría:Álbums producidos por Dave Fridmann Categoría:Álbums de Restless Records