Ragunda é un concello sueco do condado de Jämtland, na provincia histórica do mesmo de Jämtland. A súa capital é a localidade de Hammarstrand.
A meirande parte do concello está cuberto de bosques. O río Indalsälven atravesa a paisaxe, caracterizada polo bergkullsterräng, un tipo de relevo típico no oeste de Suecia. A industria principal do municipio foi tradicionalmente a agricultura e a silvicultura, aínda que a proporción diminuíu. Ademais, o municipio ten unha gran produción de electricidade, pero tamén industria de enxeñería.
Dende a fundación do concello en 1971 a tendencia de poboación vén sendo negativa, pasando de 8 473 habitantes en 1970 ata os 5 146 en 2024.
Historia administrativa A área do concello correspóndese á das parroquias de Borgvattnet, Fors, Ragunda e Stugun. Nesas parroquias fundáronse concellos rurais co mesmo nome coa reforma municipal de 1862.
Coa reforma municipal de 1952 o concello de Borgvattnet pasou a formar parte do municipio de Stugun.
O actual concello de Ragunda fundouse durante a reforma de 1971 a través da reorganización do concello rural de Ragunda. No ano 1974 incorporáronse os municipios de Fors e Stugun.
Xeografía O concello de Ragunda atópase na parte leste do condado de Jämtland e limita ao norte co municipio de Strömsund, ao oeste co de Östersund, e ao sur co de Bräcke, os tres en Jämtland. Ao sueste limita co concello de Sundsvall e ao nordés co de Sollefteå, ámbolos dous no condado de Västernorrland.
Topografía e hidrografía O municipio atópase na cordilleira central de Norrland. O leito rochoso está formado principalmente por gneis e granitos. As superficies relativamente chas nas alturas teñen desniveis pronunciados ata as terras baixas circundantes con bosques de abetos e grandes turbeiras alongadas. O poderoso Indalsälven atravesa o concello, ao igual que o seu afluente Ammerån. Estes cursos de auga están profundamente cortados nos sedimentos de gran fino dos vales, e formáronse barrancos empinados.
Conservación da natureza No ano 2025 había 22 reservas naturais no concello de Ragunda. Unha delas é a de Döda fallet, unha área cunha longa historia. Döda fallet (a fervenza morta) era orixinalmente unha fervenza de 35 metros de altura coñecida como Storforsen, que ao igual que o lago Ragundasjön foi drenada en 1796 despois dun intento errado de construír unha canle flotante. As consecuencias leais continuaron ata a década de 1970. Outro exemplo de reserva natural no municipio é a de Snedmyran, que tamén forma parte da Rede Natura 2000. A área está formada por turbeiras onde medran algunhas especies raras de orquídeas.
División administrativa Ata o ano 2016 o concello estaba dividido, para os efectos de informes de poboación, en catro congregacións: Borgvattnet, Fors, Ragunda e Stugun.
A partir de 2016 o municipio divídese no seu lugar en catro distritos que coinciden coas anteriores parroquias: Borgvattnet, Fors, Ragunda e Stugun.
Localidades No ano 2023 no concello de Ragunda existen catro tätorter: NrTätortPoboación (2023)1Hammarstrand1 0782Stugun5743Västra Bispgården4114Östra Bispgården211
Notas
Categoría:Concellos de Suecia Categoría:Condado de Jämtland