As regras de inferencia son xeitos de derivar conclusións desde premisas. Son partes integrantes da lóxica formal, servindo como normas da estrutura lóxica de argumentos válidos. Se un argumento con premisas certas segue unha regra de inferencia entón a conclusión non pode ser falsa. O modus ponens, unha importante regra de inferencia, conecta dúas premisas da forma "se P entón Q ", como no argumento "Se chove, entón o chan está mollado. Chove. Polo tanto, o chan está mollado". Hai moitas outras regras de inferencia para padróns diferentes de argumentos válidos, como o modus tollens, o siloxismo disxuntivo, o dilema construtivo e a xeneralización existencial. alt=Diagrama dunha inferencia|miniatura|O modus ponens é unha das principais regras de inferencia As regras de inferencia inclúen regras de implicación, as cales operan só nunha dirección desde premisas a conclusións, e regras de substitución, as cales expoñen que dúas expresións son equivalentes e poden ser libremente intercambiadas. As regras de inferencia contrastan coas falacias formais, que son formas de argumento non válido que conteñen erros lóxicos.
As regras de inferencia pertencen aos sistemas lóxicos, que poden diferenciarse segundo as regras de inferencia que empregan. A lóxica proposicional examina os patróns de inferencia das proposicións simples e complexas. A lóxica de primeira orde a lóxica proposicional artellando a estrutura interna das proposicións. Tamén introduce novas regras de inferencia, xa que a devandita estrutura interna afecta á validez dos argumentos. As lóxicas modais exploran conceptos como a posibilidade e a necesidade, achegando regras de inferencia relativas a estes conceptos. As lóxicas intuicionistas, paraconsistentes e plurivalentes propoñen patróns de inferencia alternativos aos da tradición dominantes, coñecida como lóxica clásica. Úsanse varios formalismos para expresar os sistemas lóxicos. Algúns toman regras intuitivas de inferencia para reflectir o razoamento natural das persoas, namentres outros asumen un enfoque minimalista que trata de representar os principios fundamentais sen redundancia.
As regras de inferencia son relevantes en moitas áreas, como as demostracións en matemáticas ou o razoamento automático en informática. Os seus fundamentos conceptuais e psicolóxicos son estudados polos filósofos da lóxica e os psicólogos cognitivos.
Definición Unha regra de inferencia é un xeito de chegar a unha conclusión a partir dun conxunto de premisas. Coñecidas tamén como regras de transformación, son normas que indican as inferencias correctas e, xa que logo, poden usarse como guía para o razoamento, a xustificación de conclusións ou a crítica de argumentos.
Notas
Véxase tamén Bibliografía
Categoría:Regras de inferencia