Manuel Gómez González, nado en San Xosé de Ribarteme (As Neves) o 29 de maio de 1877 e finado en Feijão Miúdo (Três Passos, Río Grande do Sur, Brasil) o 21 de maio de 1924, foi un sacerdote católico galego, beatificado pola Igrexa católica.
Traxectoria Manuel Gómez foi ordenado sacerdote en Tui o 24 de maio de 1902, con 34 anos. Primeiro exerceu nas Neves, ata que en 1905 marcha a exercer o sacerdocio ao norte de Portugal, na arquidiocese de Braga, nos concellos de Vila Pouca de Aguiar e despois no de Monção (1911-13), pero diversas circunstancias políticas empurrárono a emigrar ao Brasil. No estado de Río Grande do Sur serviu en Soledade (23 de xaneiro de 1914) e logo en Nonoai (29 de decembro de 1915).Beatos Manuel Gomez Gonzalez, presbítero, e Adílio Daronch, mártires en Evangelho Quotidiano . Manuel Gómez González (1877-1924) en La Santa Sede.
O seu labor social na zona incluíu a construción dun obradoiro de olería, un hotel e casas para os sen teito de Nonoai. Tamén introduciu novos cultivos na agricultura da zona.
A revolución brasileira de 1923 converte a rexión fronteiriza entre o Uruguai e o Brasil en moi perigosa, con diversas bandas e comandos actuando violentamente pola propiedade das terras. O 21 de maio de 1924 préndeno a el e mais o seu acólito Adílio Daronch (un neno de 15 anos), que foron torturados e asasinados a tiros, polo que a Igrexa católica os considera mártires.
Culto O 14 de xuño de 1996 comezou o proceso de beatificación de Daronch e Manuel Gómez e, en decembro de 2006, o papa Bieito XVI recoñecía a existencia do martirio, co que se lles abría o camiño da beatificación. Conforme este proceso, se un crente sofre martirio pola fe, non é necesario que teña milagres demostrados para poder ser beatificado.
A súa beatificación definitiva foi efectuada o 21 de outubro de 2007 polo papa Bieito XVI, no Parque municipal de exposicións de Frederico Westphalen (Río Grande do Sur, Brasil).Misa da beatificación de Manuel Gómez González.
Notas
Véxase tamén Ligazóns externas Manuel Gómez González (1877-1924) en La Santa Sede . Adílio Daronch (1908-1924) en La Santa Sede .
Categoría:Sacerdotes católicos de Galicia Categoría:Nados nas Neves Categoría:Beatos de Galicia Categoría:Finados en 1924 Categoría:Nados en 1877 Categoría:Sacerdotes da Igrexa católica latina Categoría:Personalidades de Galicia sen imaxes finados hai máis de 80 anos