O Programa Artemis é un programa de exploración espacial levado a cabo pola NASA, co obxectivo de levar ó ser humano á lúa por primeira vez dende o Apollo 17 en 1972.
Precedentes O programa Artemis foi proposto por primeira vez en decembro do 2017, baixo a primeira administración de Donald Trump. Este proxecto incorporaría elementos do Programa Constelación. En 2019, recibiu o nome Artemis, deusa da Lúa e irmá de Apolo, epónimo do anterior programa de exploración espacial e púxose como obxectivo a aluaxe en 2024. En 2021 estimouse que o custo do programa até 2025 sería duns 93 mil millóns de dólares.
Antes do comezo do programa fixéronse tres misións de proba. O 6 de maio de 2010 lanzouse o Pad Abort-1, unha proba de 95 segundos do sistema de aborto da nave Orion aínda baixo o Programa Constelación. O 5 de decembro de 2014, lanzouse o Exploration Flight Test 1 ou EFT-1, no que a nave foi posta en órbita media e entrou na atmosfera da terra a 32.000 km/h. O a última misión de proba foi a Ascent Abort-2, outra proba do sistema de aborto, esta vez duns 193 segundos.
Misións
Artemis I (2022) Artemis I foi unha misión non tripulada, orixinalmente planeada para 2016, lanzouse o 16 de novembro de 2022 dende o centro espacial John F. Kennedy despois de ser adiada dúas veces. O 11 de decembro, a Orion amarou no Océano Pacífico despois de percorrer 2.300.000 km arredor da lúa.
Artemis II (2026) Artemis II foi a primeira misión tripulada do programa. Lanzouse o 1 de abril de 2026. Os astronautas da misión foron Reid Wiseman, Victor Glover, Jeremy Hansen e Christina Koch, esta última volveuse tras esta misión a primeira muller en chegar alén da órbita baixa terrestre. A nave orbitou a Lúa no seu sexto día e acadou a maior distancia dun ser humano da Terra (406.771 km). Amarou no Océano Pacífico o 11 de abril.
Artemis III (2027) Artemis III será a segunda misión tripulada e terceira do programa. Orixinalmente estaba planeada para ser a primeira aluaxe dende o Apollo 17, pero en 2023, decidiuse que a misión ía continuar sen aluar debido a preocupacións no aeroescudo.
Artemis IV (2028) Artemis IV será a terceira misión tripulada e cuarta do programa. Proxéctase que esta misión sexa a primeira aluaxe en 56 anos, dende a derradeira misión do Programa Apollo en 1972. Tiña como obxectivo secundario a instalación do módulo I-HAB da Plataforma Lunar Gateway antes da súa cancelación a principios do 2026.
Artemis V (2028) Artemis V será a cuarta misión tripulada e quinta do programa. Ten como obxectivo realizar unha segunda aluaxe e a iniciación dunha base permanenta da superficie da Lúa.
Notas
Categoría:Programa Artemis