Euskal Herria Bai é o nome dunha coalición coa que as forzas políticas de Iparralde Abertzaleen Batasuna, Eusko Alkartasuna e Batasuna concorreron ás eleccións lexislativas francesas de 2007 a iniciativa de Abertzaleen Batasuna.
Desta formación quedou fóra o Partido Nacionalista Vasco, xa que tralo atentado de Barajas sucedido en Madrid o 31 de decembro, decidiu non ir ás eleccións na mesma lista que Batasuna.
De todas xeitos os tres partidos da coalición manteñen as portas abertas ó PNV, segundo manifestaron na súa presentación.
As principais bases do seu programa político son:
O recoñecemento e respecto ó País Vasco. Recoñecemento a decidir o seu futuro. Só se consideran válidos os métodos democráticos e políticos para acadar obxectivos. Un marco institucional propio, que vaia máis aló dun departamento propio para o País Vasco francés. Recoñecemento do éuscaro como lingua cooficial do territorio xunto ó francés. A elaboración e defensa dunhas políticas sociais progresistas (segundo eles non sería obstaculo para a incorporación do PNV).
Resultados electorais En 2007 presentouse ás eleccións lexislativas francesas, conseguindo na primeira volta máis de 10.600 votosEuskal Herria Baik emaitza onak lortu ditu , Berria, 11 de xuño de 2007. Os seus mellores resultados foron na IV circunscrición (sur de Lapurdi) acadando o 9,09% dos votos. Así mesmo a coalición abertzale conseguiu ser a forza máis votada en seis localidades (Muskildi, Ozaze-Zühara, Bunuze, Gamarten, Izura-Azme, Lexantzü). Porén, non conseguiu pasar á segunda volta en ningunha das tres circunscricións vascas e deixou en mans dos seus votantes a quen votar na segunda voltaAbertzaleak bat, botoak asko , Berria, 14 de xuño de 2007.
Debido ós bos resultados a coalición traballa de cara ás municipais e cantonais onde si poderá ser unha forza de importancia.
Resultados por circunscrición:
Marie-Léonie Aguergaray obtivo o 6.32% dos votos na IV circunscrición (sector Oloron - Maule - Donibane Garazi). Miguel Torre obtivo o 4.50% dos votos na V circuscrición (Baiona). Beñat Elizondo obtivo o 9.09% dos votos na VI circunscrición (Biarritz-Hendaia). Notas
Ligazóns externas Noticia da presentación de EHBai en Gara Noticia da presentación de EHBai en EITB24.com Noticia da presentación de EHBai en Deia Noticia da presentación de EHBai en El País
Categoría:Partidos políticos de Iparralde Categoría:Nacionalismo vasco Categoría:Independentismo en Francia